ຂະບວນການຫັນປ່ຽນຮູບແບບການພັດທະນາດ້ານເສດຖະກິດຂອງຈີນຕ້ອງຊອກຫາ"ຈຸດດຸ່ນດ່ຽງຄໍາ" ຢ່າງແມ່ນຢໍາ
ເມື່ອບໍ່ດົນມານີ້, ທ່ານຫລີເຄີ້ສ໋ຽງ, ນາຍົກລັດຖະມົນຕີຈີນໄດ້ກ່າວໃນກອງປະຊຸມກ່ຽວກັບທ່າອ່ຽງເສດຖະກິດຈີນວ່າ, ຕ້ອງຊອກຫາ "ຈຸດດຸ່ນດ່ຽງຄໍາ"ລະຫວ່າງຄວາມຈໍາເປັນກັບຄວາມອາດສາມາດ,ການຍົກລະດັບການຫັນປ່ຽນຮູບແບບພັດທະນາກັບການຮັກສາຄວາມໄວ
ຂອງການເຕີບໂຕທີ່ເໝາະສົມເພື່ອຮັກສາການເຕີບໂຕໃຫ້ຢູ່ໃນຂອບເຂດທີ່ເໝາະສົມແລະຮັບປະກັນການປະກອບອາຊີບຢ່າງເໝາະສົມ,ພ້ອມນັ້ນຈະເພີ່ມທະວີການປັບປຸງໂຄງປະກອບແລະອອກແຮງຍົກສູງຄຸນນະພາບແລະເພີ່ມທະວີປະສິດທິພາບ. ທ່ານຫລີເຄີ້ສຽງ ຊີ້ອອກວ່າ, ເສດຖະກິດຈີນໄດ້ກ້າວເຂົ້າສູ່ໄລຍະພັດທະນາໃໝ່,ການຮັກສາຈັງຫວະການເຕີບໂຕຂອງເສດຖະກິດໃນແຕ່ກ່ອນແມ່ນບໍ່ສາມາດປາກົດຜົນເປັນຈິງໄດ້, ແຕ່ວ່າບໍ່ມີການຄໍ້າປະກັນຂອງຈັງຫວະການເຕີບໂຕໃນລະດັບໃດໜຶ່ງ, ຄວາມຫຍຸ້ງຍາກແລະບັນຫາຕ່າງໆ ໂດຍສະເພາະແມ່ນຄວາມຫຍຸ້ງຍາກດ້ານການປະກອບອາຊີບກໍຈະແກ້ໄຂຍາກ.
ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກກອມມູນິດຈີນທີ່ຈະຈັດຂຶ້ນໃນວັນທີ 9 ຫາວັນທີ 12 ພະຈິກນີ້ ຈະລົງເລິກການຄົ້ນຄວ້າພິຈາລະນາບັນຫາສໍາຄັນໃນ"ການລົງເລິກການປະຕິຮູບຢ່າງຮອບດ້ານ" ແລະທໍາການຈັດວາງໃນດ້ານລວມ.
