ການສະແດງສິລະປະວັນນະຄະດີຂອງສັບປະດາສິລະປະ "ຈີນໃນປັດຈຸບັນ" ໄດ້ຮັບຄວາມນິຍົມຊົມຊອບຢູ່ກຳປູເຈຍ
ວັນທີ 4 ພະຈິກນີ້, ສັບປະດາສິລະປະ "ຈີນໃນປັດຈຸບັນ" ປີ 2013 ເຊິ່ງແມ່ນສະຫະພັນວົງການວັນນະຄະດີສິລະປະຈີນ, ກະຊວງວັດທະນະທຳແລະສິລະປະກຳປູເຈຍ ແລະ ສະຖານທູດຈີນປະຈຳກຳປູເຈຍ ຮ່ວມກັນຈັດຂຶ້ນນັ້ນ ໄດ້ເລີ່ມເປີດສາການສະແດງຢູ່ໂຮງລະຄອນເຈກໂຕມຸກ ນະຄອນຫຼວງພະນົມເປັນຂອງກຳປູເຈຍ, ການສະແດງສິລະປະວັນນະຄະດີທີ່ງົດງາມຂອງສິລະປິນທີ່ມາຈາກຈີນໄດ້ຈັດຂຶ້ນສອງເທື່ອ, ແລະໄດ້ຮັບຄວາມນິຍົມຊົມຊອບຢ່າງຫຼວງຫຼາຍຈາກຜູ້ຊົມທ້ອງຖິ່ນ.
ໃນການສະແດງທີ່ດຳເນີນເປັນເວລາສອງວັນ, ສິລະປິນຜູ້ດີເດັ່ນຫຼາຍໆຄົນຂອງຈີນ ໄດ້ມີການສະແດງໃນລາຍການຕ່າງໆທີ່ໜ້າຊົມ, ເປັນຕົ້ນແມ່ນ ຮ້ອງເພງ, ການຟ້ອນ, ມາຍາກົນ, ກາຍຍະສິນ ແລະອື່ນໆ, ໂດຍສະເພາະແມ່ນເພງ "ລະລຶກເຖິງປະເທດຈີນ" ທີ່ແຕ່ງໂດຍສົມເດັດພະໂນໂຣດົມ ສີຫະນຸ, ອະດີດມະຫາກະສັດຂອງກຳປູເຈຍທີ່ໄດ້ສະຫວັນລະຄົດແລ້ວ ເຊິ່ງແມ່ນນັກຮ້ອງໜຸ່ມຈີນຮ້ອງເປັນພາສາກຳປູເຈຍນັ້ນ ໄດ້ເຮັດໃຫ້ສະໜາມການສະແດງໃນໂຮງລະຄອນມີບັນຍາກາດອົບອຸ່ນທີ່ສຸດ.
