ທີ່ປຶກສາດ້ານການຄ້າຂອງປະເທດອາຊຽນປະຈໍາຈີນກ່າວວ່າ, ການສົ່ງອອກລະບົບລົດໄຟຄວາມໄວສູງຂອງຈີນຈະຊຸກຍູ້ການແລກປ່ຽນກັນລະຫວ່າງວິສາຫະກິດສອງຝ່າຍໃຫ້ຫລາຍຂຶ້ນ
ວັນທີ 6 ພະຈິກນີ້, ກອງປະຊຸມສົນທະນາດ້ານເສດຖະກິດການຄ້າຈີນ-ອາຊຽນໄດ້ຈັດຂຶ້ນຢູ່ນະຄອນຫລວງປັກກິ່ງຂອງຈີນ, ທີ່ປຶກສາດ້ານການຄ້າຫລາຍທ່ານຂອງປະເທດອາຊຽນປະຈໍາຈີນໄດ້ກ່າວໃນກອງປະຊຸມຄັ້ງນີ້ວ່າ, ການສົ່ງອອກລະບົບເສັ້ນທາງລົດໄຟຄວາມໄວສູງຂອງຈີນແລະການກໍ່ສ້າງຕາໜ່າງທາງລົດໄຟສາຍຜ່ານອາຊີຈະຊຸກຍູ້ການແລກປ່ຽນກັນລະຫວ່າງວິສາຫະກິດຂອງຈີນກັບປະເທດອາຊຽນໃຫ້ຫລາຍຂຶ້ນ.
ທ່ານສີໜິງໜິງ, ຮອງເລຂາທິການໃຫຍ່ສະພາການຄ້າຈີນ-ອາຊຽນກ່າວວ່າ, ການທີ່ຈີນສົ່ງອອກອຸປະກອນແລະເຕັກນິກລະບົບລົດໄຟຄວາມໄວສູງຕໍ່ປະເທດອາຊຽນຈະເລັ່ງລັດການເຊື່ອມຈອດກັນຂອງອາຊຽນ ແລະການແລກປ່ຽນລະຫວ່າງວິສາຫະກິດສອງຝ່າຍ, ຍັງຈະຊຸກຍູ້ການຄ້າສອງຝ່າຍແລະການຍົກລະດັບເຂດການຄ້າເສລີຂຶ້ນ.
ກອງປະຊຸມຄັ້ງນີ້ແມ່ນຈັດໂດຍສະພາການຄ້າຈີນ-ອາຊຽນ.
