ກະຊວງການຕ່າງປະເທດຈີນກ່າວວ່າ, ຖ້າວ່າອາເມລິກາຫາກເອົາໃຈໃສ່ຄວາມປອດໄພດ້ານອິນເຕີເນັດ, ກໍຈະບໍ່ຄວນເວົ້າບັນຫາອື່ນ
(GMT+08:00) 2013-11-07 19:09:56 cri
ວັນທີ 6 ພະຈິກນີ້, ກໍາມາທິການເສດຖະກິດແລະຄວາມປອດໄພຈີນ-ອາເມລິກາຂອງອາເມລິກາໄດ້ຍື່ນຮ່າງບົດລາຍງານແກ່ລັດຖະສະພາວ່າ, ບໍ່ມີປາກົດການທີ່ສະແດງໃຫ້ເຫັນວ່າ ພວກເຈາະຂໍ້ມູນ ຫລືແຮກເກີຂອງກອງທັບຈີນໄດ້ຢຸດຕິການໂຈມຕີທາງອິນເຕີເນັດ. ຕໍ່ເລື່ອງນີ້, ວັນທີ 7 ພະຈິກນີ້, ທ່ານຫົງເຫລີຍ, ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫລວງປັກກິ່ງວ່າ, ຈີນມີສຸພາສິດເວົ້າວ່າ, ຜູ້ທີ່ເປັນຄົນຂາວສະອາດ, ເຖິງຈະບໍ່ເວົ້າຄວາມໃຫ້ຜູ້ອື່ນຮູ້ກໍຕາມ, ລາວກໍເປັນຄົນຂາວສະອາດ. ຈີນເປັນຜູ້ທີ່ໄດ້ຮັບເຄາະຮ້າຍຈາກການໂຈມຕີທາງອິນເຕີເນັດ, ລັດຖະບານຈີນຄັດຄ້ານການໂຈມຕີຂອງແຮກເກີຢ່າງສະເໝີຕົ້ນສະເໝີປາຍ, ສົ່ງເສີມການຮ່ວມມືສາກົນ ແລະສະເໜີວ່າປະຊາຄົມໂລກຄວນຮ່ວມກັນສ້າງອິນເຕີເນັດທີ່ມີສັນຕິພາບ, ຄວາມປອດໄພ, ເປີດປະຕູສູ່ພາຍນອກແລະການຮ່ວມມື. ພາຍໃຕ້ເບື້ອງຫລັງຂອງເຫດການຕິດຕາມລັກຟັງ, ຖ້າວ່າອົງການທີ່ກ່ຽວຂ້ອງຂອງອາເມລິກາຫາກເອົາໃຈໃສ່ຄວາມປອດໄພດ້ານອິນເຕີເນັດແທ້, ກໍບໍ່ຄວນເວົ້າບັນຫາອື່ນ.
