ຈັດງານສະຫລອງການສ້າງຕັ້ງສະຫະພັນໂຮງຮຽນສອນພາສາຈີນຂອງຟິລິບປິນ ຄົບຮອບ 20 ປີ
(GMT+08:00) 2013-11-08 10:26:36 cri
ຕອນຄ່ຳວັນທີ 7 ພະຈິກນີ້, ອະທິການບໍດີຫລືຜູ່ຕາງຫນ້າໂຮງຮຽນສອນພາສາຈີນທ່ານໃນທົ່ວປະເທດຟິລິບປິນ ພ້ອມກັບຄູອາຈານຊາວຟິລິບປິນເຊື້ອສາຍຈີນໃນວົງການການສຶກສາພາສາຈີນໄດ້ເຕົ້າໂຮມກັນຢູ່ນະຄອນຫລວງມານີລາ, ເພື່ອສະເຫລີສະຫລອງການສ້າງຕັ້ງສະຫະພັນໂຮງຮຽນສອນພາສາຈີນຂອງຟິລິບປິນຄົບຮອບ 20 ປີ.
ໂຮງຮຽນຈົ່ງຊີ່ ທີ່ເປັນໂຮງຮຽນສອນພາສາຈີນແຫ່ງທຳອິດຂອງຟິລິບປິນໄດ້ຮັບການສ້າງຕັ້ງຂຶ້ນເມື່ອປີ 1899, ຫລັງຈາກນັ້ນໄດ້ມີໂຮງຮຽນສອນພາສາຈີນຫລາຍແຫ່ງໄດ້ຮັບການສ້າງຂຶ້ນ ກັນ. ເດືອນພະຈິກປີ 1993, ໂຮງຮຽນສອນພາສາຈີນ 128 ແຫ່ງໄດ້ຮ່ວມກັນສ້າງສະຫະພັນໂຮງຮຽນສອນພາສາຈີນຂອງຟິລິບປິນຂຶ້ນ, ຫລັງຈາກນັ້ນ ໄດ້ເຮັດໃຫ້ການສຶກສາພາສາຈີນຂອງຟິລິບປິນໄດ້ກ້າວເຂົ້າສູ່ສັງກາດໃຫມ່.
