ທ່ານຫຼີເຄີ້ສຽງກ່າວເນັ້ນໃນເວລາຕ້ອນຮັບການເຂົ້າຢ້ຽມຄຳນັບຂອງທ່ານເຮນລີ ເປົາເຊີນ, ອະດີດລັດຖະມົນຕີວ່າການກະຊວງການເງິນອາເມລິກາວ່າ: ເຮັດໃຫ້ທ່າແຮງຮ່ວມຫັນເປັນກຳລັງດ້ານການຮ່ວມມືລະຫວ່າງຈີນກັບອາເມລິກາ
ຕາມຂ່າວCRI: ວັນທີ7ພະຈິກນີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານເຮນລີ ເປົາເຊີນ, ອະດີດລັດຖະມົນຕີວ່າການກະຊວງການເງິນອາເມລິກາ.
ທ່ານຫຼີເຄີ້ສຽງກ່າວວ່າ, ຫວັງໃຫ້ສອງຝ່າຍເຮັດໃຫ້ທ່ານແຮງຮ່ວມຫັນເປັນກຳລັງດ້ານການຮ່ວມມື, ພ້ອມກັນນັ້ນຄວບຄຸມຄວາມຂັດແຍ້ງຢ່າງເໝາະສົມ, ຮ່ວມກັນປົກປັກຮັກສາການພັດທະນາດ້ານການພົວພັນລະຫວ່າງຈີນກັບອາເມລິກາ. ຫວັງໃຫ້ອາເມລິກາສ້າງສະພາບແວດລ້ອມການແຂ່ງຂັນທີ່ຍຸດຕິທຳໃຫ້ວິສາຫະກິດຈີນທີ່ໄປລົງທຶນຢູ່ອາເມລິກາ, ເຮັດໃຫ້ຂໍ້ຈຳກັດດ້ານການສົ່ງອອກຜະລິດຕະພັນດ້ານເຕັກໂນໂລຊີລະດັບສູງຕໍ່ຈີນຫຼຸດໜ້ອຍລົງ. ສອງຝ່າຍຄວນເພີ່ມທະວີການປະສານງານກັນດ້ານນະໂຍບາຍເສດຖະກິດ ມະຫາພາກ, ປະຕິບັດນະໂຍບາຍດ້ານເສດຖະກິດພາຍໃນທີ່ມີຄວາມຮັບຜິດຊອບ, ເຂົ້າຮ່ວມຂະບວນການເຊື່ອມໂຍງເຂົ້າກັນດ້ານເສດຖະກິດພາກພື້ນດ້ວຍນ້ຳໃຈຢ່າງເປີດປະຕູ, ໂປ່ງໃສ, ແລະຜ່ອນສັ້ນຜ່ອນຍາວຕໍ່ກັນ.
