ເຮືອຫາປາຂອງໃຕ້ຫວັນຖືກຍີ່ປຸ່ນກັກຕົວຍ້ອນຖືກສົງໄສຫາປາຢ່າງຜິດກົດໝາຍ ຈີນຮຽກຮ້ອງໃຫ້ແກ້ໄຂເຫດການນີ້ຢ່າງຍຸຕິທໍາແລະເໝະສົມ
(GMT+08:00) 2013-11-08 17:47:08 cri
ເມື່ອບໍ່ດົນມານີ້, ເຮືອຫາປາລໍາໜຶ່ງຂອງໃຕ້ຫວັນທີ່ບັນທຸກລູກເຮືອຂອງແຜ່ນດິນໃຫຍ່ຈີນ 4 ຄົນແລະລູກເຮືອຂອງໃຕ້ຫວັນ 2 ຄົນຖືກຝ່າຍຍີ່ປຸ່ນກັກຕົວຍ້ອນຖືກສົງໄສຫາປາຢ່າງຜິດກົດໝາຍຢູ່ເຂດທະເລທີ່ໃກ້ກັບແຂວງກາໂກຊີມາຂອງຍີ່ປຸ່ນ. ຕໍ່ເຫດການນີ້, ວັນທີ 8 ພະຈິກນີ້, ທ່ານຫົງເຫລີຍ, ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວຢູ່ນະຄອນຫລວງປັກກິ່ງວ່າ, ຈີນຮຽກຮ້ອງໃຫ້ພາກສ່ວນທີ່ກ່ຽວຂ້ອງຂອງຍີ່ປຸ່ນຮັບປະກັນຄວາມປອດໄພແລະສິດປະໂຫຍດທີ່ຖືກຕ້ອງຕາມກົດໝາຍຂອງລູກເຮືອຈີນແທ້ຈິງ, ແກ້ໄຂເຫດການນີ້ຢ່າງຕາມກົດໝາຍ, ຍຸຕິທໍາແລະເໝາະສົມ.
