ອິນໂດເນເຊຍອາດຈະຍຸດຕິການໃຊ້ຂ່າວລັບຮ່ວມກັບອົສຕຼາລີ
ຕໍ່ເຫດການທີ່ສື່ມວນຊົນລາຍງານວ່າອົສຕຼາລີໄດ້ຮ່ວມກັບອາເມລິກາຕິດຕາມລັກຟັງອິນໂດເນເຊຍ, ທ່ານມາຕີ ນາຕາເລກາວາ, ລັດຖະມົນຕີວ່າການກະຊວງການຕ່າງປະເທດອິນໂດເນເຊຍກ່າວວ່າ, ອິນໂດເນເຊຍອາດຈະພິຈາລະນາຄືນໃໝ່ ສັນຍາວ່າດ້ວຍການໃຊ້ຂ່າວລັບຮ່ວມກັບອົສຕຼາລີ. ລັດຖະບານອິນໂດເນເຊຍກໍກ່າວວ່າ, ຈະສໍາຫລວດຄືນການຮ່ວມມືກັບອົສຕຼາລີ. ແຕ່ວ່າ, ທ່ານຈູລີ ບິຊົບ, ລັດຖະມົນຕີວ່າການກະຊວງການຕ່າງປະເທດອົສຕຼາລີໄດ້ປະຕິເສດຄໍາເວົ້າທີ່ວ່າເລື່ອງຕິດຕາມລັກຟັງໄດ້ເຮັດໃຫ້ການພົວພັນສອງປະເທດເກີດມີຮອຍແຕກແຫງຂຶ້ນ.
ພາຍຫລັງໄດ້ເກີດເຫດການລະເບີດຢູ່ເກາະບາຫລີຂອງອິນໂດເນເຊຍໃນປີ 2002 ແລະເຫດການລະເບີດກໍການຮ້າຍຢູ່ສະຖານທູດອົສຕຼາລີປະຈໍາອິນໂດເນເຊຍໃນປີ 2004, ອົສຕຼາລີກັບອິນໂດເນເຊຍໄດ້ບັນລຸສັນຍາວ່າດ້ວຍການນໍາໃຊ້ຂ່າວລັບຮ່ວມຫລາຍສະບັບ.
