ສື່ມວນຊົນຕ່າງປະເທດເອົາໃຈໃສ່ນຳກອງປະຊຸມຄົບຄະນະຄັ້ງທີ3ຂອງສູນກາງພັກກອມມູນິດຈີນສະໄໝທີ18
ເນື່ອງໃນໂອກາດກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18 ໄຂຂຶ້ນ, ສື່ມວນຊົນຕ່າງປະເທດເຫັນໂດຍທົ່ວໄປວ່າ, ກອງປະຊຸມທີ່ຈັດຂຶ້ນໃນເວລາພາລະກິດປະຕິຮູບ ແລະ ເປີດປະຕູສູ່ພາຍນອກຂອງຈີນເຂົ້າສູ່ໄລຍະຫົວລ້ຽວຫົວຕໍ່ເທື່ອນີ້ຈະຕົກລົງນະໂຍບາຍອັນສຳຄັນ, ຈັດສັນໂດຍລວມກ່ຽວກັບການລົງເລິກການປະຕິຮູບຮອບດ້ານ ແລະ ຊຸກຍູ້ເສດຖະກິດໃຫ້ພັດທະນາແບບຍືນຍົງ ແລະ ໝັ້ນທ່ຽງ.
"ໜັງສືພິມການເງິນແທມສ໌"ຂອງອັງກິດລາຍງານວ່າ, ກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18 ຈະສົ່ງສັນຍານທີ່ຈີນເປັນກຳປັ່ນໃຫຍ່ລຳນີ້ເດີນໄປໜ້າຕາມທິດອັນຖືກຕ້ອງ, ເສດຖະກິດຈີນຈະຫັນເປັນຮູບແບບທີ່ຍິ່ງເອົາໃຈໃສ່ນຳການບໍລິໂພກ, ການປະດິດສ້າງໃໝ່ ແລະ ການພັດທະນາແບບຍືນຍົງ.
ຂ່າວສານລອຍເຕີລາຍງານວ່າ, ການປະຕິຮູບ ແລະ ການເປີດປະຕູສູ່ພາຍນອກມາເປັນເວລາ 30 ປີ, ເຮັດໃຫ້ຈີນກາຍເປັນອົງກອນເສດຖະກິດອັນດັບທີສອງໃນໂລກ, ແຕ່ພ້ອມກັນນັ້ນ, ຂໍ້ຂັດແຍ່ງຊັ້ນເລິກເຊິ່ງກໍ່ນັບມື້ນັບແຈ່ມແຈ້ງ. ການແກ້ໄຂຂໍ້ຂັດແຍ່ງເຫຼົ່ານີ້, ຈະໄດ້ຮັບການຕອບໃນກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18.
ຂ່າວສານອາເອຟເປລາຍງານວ່າ, ກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18 ຈະຕົກລົງທິດທາງໃຫຍ່ແຫ່ງການພັດທະນາເສດຖະກິດຈີນໃນອະນາຄົດ, ແລະຈະຕົກລົງການປະຕິຮູບເສດຖະກິດຂອງຈີນທີ່ມີຄວາມໝາຍຍາວໄກອີກເທື່ອໜຶ່ງ.
ຂ່າວສານອາເປລາຍງານວ່າ, ກ່ອນຈັດກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18, ໝູ່ຄະນະການນຳຊຸດໃໝ່ຂອງຈີນໄດ້ປະຕິບັດມາດຕະການປະຕິຮູບຕ່າງໆ ເຊັ່ນ,ສ້າງຕັ້ງເຂດການຄ້າເສລີຊຽງໄຮແລ້ວ, ມາດຕະການເຫຼົ່ານີ້ລ້ວນແຕ່ແມ່ນເພື່ອປ່ອຍສິດໃຫ້ຕະຫຼາດຕື່ມອີກ. ກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18 ຈະປະກາດໃຊ້ຂໍ້ຕົກລົງອັນສຳຄັນ ແລະ ດຳເນີນການປະຕິຮູບຮອບໃໝ່.
