ທ່ານສະເຕເວນ ບາເນັດ, ຫົວໜ້າຫ້ອງການຈີນ ພະແນກອາຊີປາຊີຟິກ ອົງການກອງທຶນເງິນຕາສາກົນ ຫຼື IMF ໄດ້ຂຽນບົດຄວາມລົງໜັງສືພິມ "ເຢັນໝິນຢື້ປ້າວ" ຂອງຈີນສະບັບອອກວັນທີ 11 ພະຈິກນີ້ ໂດຍຂຽນວ່າ: ຈີນປັບຈັງຫວະການເຕີບໂຕເສດຖະກິດເພື່ອໃຫ້ມີການພັດທະນາເປັນໄລຍະຍາວກວ່າເກົ່າ ແລະ ໃນລະດັບສູງກວ່າເກົ່າໃນອະນາຄົດແມ່ນເປັນເລື່ອງສາມາດປະຕິບັດໄດ້.
ທ່ານສະເຕເວນ ບາເນັດ ໄດ້ສະແດງທັດສະນະຂອງຕົນໃນບົດຄວາມວ່າ, ເຖິງວ່າເສດຖະກິດຂອງຈີນເຕີບໂຕຊ້າລົງໃນລະດັບໃດໜຶ່ງ, ແຕ່ການຊຸກຍູ້ການປະຕິຮູບອົງປະກອບເສດຖະກິດຢ່າງລະມັດລະວັງ ເຊິ່ງເປັນການແທນມາດຕະການກະຕຸ້ນເສດຖະກິດໃນໄລຍະສັ້ນ, ນີ້ສະແດງໃຫ້ເຫັນວ່າ, ຈີນກຳລັງສຸມໃສ່ຮູບແບບທີ່ເຮັດໃຫ້ເສດຖະກິດມີການເຕີບໂຕຢ່າງດຸນດ່ຽງກວ່າເກົ່າແລະຕໍ່ເນື່ອງ.
ບົດຄວາມຊີ້ອອກວ່າ, ຖ້າສາມາດດຳເນີນການປະຕິຮູບຢ່າງສຳເລັດຜົນໄດ້, ຮອດປີ 2030, ຈີນອາດຈະກາຍເປັນອົງກອນເສດຖະກິດທີ່ໃຫຍ່ທີ່ສຸດຂອງໂລກ. ໃນຂະນະທີ່ຈະສ້າງຄວາມສຸກໃຫ້ແກ່ປະຊາຊົນປະເທດຕົນຫຼາຍກວ່າເກົ່ານັ້ນ, ການປະຕິຮູບຢ່າງໄດ້ຮັບຜົນສຳເລັດຂອງຈີນກໍຈະເພີ່ມຄວາມຕ້ອງການໃນທົ່ວໂລກຂຶ້ນເຊັ່ນກັນ, ແລະເປັນການຕື່ມພະລັງແຮງໃໝ່ເພື່ອການພັດທະນາຢ່າງແຂງແຮງແລະປອດໃສຂອງເສດຖະກິດໂລກ.
© China Radio International.CRI. All Rights Reserved. 16A Shijingshan Road, Beijing, China. 100040 |