ສະຖານະການການເມືອງຂອງໄທເກີດຄວາມວຸ້ນວາຍຍ້ອນພະລາຊະບັນຍັດນິລະໂທດກຳ ຈີນຫວັງວ່າໄທຈະຮັກສາສະຖຽນລະພາບທາງການເມືອງ
(GMT+08:00) 2013-11-11 19:01:53 cri
ຕາມຂ່າວCRI: ວັນທີ11ພະຈິກນີ້, ທ່ານສິນກ່າງ, ໂຄສົກກະຊວງການຕ່າງປະເທດຈີນກ່າວຢູ່ກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງວ່າ, ຈີນຫວັງວ່າໄທຈະຮັກສາສະຖຽນລະພາບທາງການເມືອງ, ເພື່ອຮັບປະກັນການເຕີບໂຕດ້ານເສດຖະກິດແລະປະຊາຊົນດຳລົງຊີວິດການເປັນຢູ່ຢ່າງມີຄວາມສຸກ.
ໃນມື້ດຽວກັນ, ວຸດທິສະພາໄທໄຂກອງປະຊຸມເພື່ອລົງຄະແນນສຽງກ່ຽວກັບ "ພະລາຊະບັນຍັດນິລະໂທດກຳ", ຍ້ອນວ່າໄດ້ພົວພັນເຖິງທ່ານທັກສິນ ຊິນນະວັດ, ອະດີດນາຍົກລັດຖະມົນຕີໄທຈະສາມາດສິ້ນສຸດການພັດຖິ່ນແລະກັບຄືນສູ່ປະເທດໄດ້ຫຼືບໍ່, ພະລາຊະບັນຍັດສະບັບນີ້ມີຄວາມຂັດແຍ່ງຫຼາຍ, ແລະພາໃຫ້ມີການປະທ້ວງຈາກປະຊາຊົນ. ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ທ່ານສິນກ່າງໄດ້ໃຫ້ທັດສະນະດັ່ງກ່າວແລະກ່າວວ່າ, ຈີນແລະໄທແມ່ນປະເທດໃກ້ຄຽງທີ່ມີໄມຕີຈິດມິດຕະພາບ, ຈີນສະແດງຄວາມສົນໃຈຕໍ່ການຂະຫຍາຍຕົວດ້ານສະຖານະການທາງການເມືອງຂອງໄທ. ຈີນເຊື່ອວ່າລັດຖະບານແລະປະຊາຊົນໄທມີຄວາມສາມາດແກ້ໄຂບັນຫາທີ່ມີຢູ່ໃຫ້ດີຢ່າງເໝາະສົມ.