ກະຊວງການຕ່າງປະເທດຈີນກ່າວວ່າ ABC ຄວນໃຫ້ຄຳຕອບດ້ວຍຄວາມຈິງໃຈ ແລະ ຫຼີກເວັ້ນບໍ່ໃຫ້ເກີດເຫດການຄ້າຍຄືກັນອີກ
(GMT+08:00) 2013-11-12 17:21:05 cri
ວັນທີ 11 ພະຈິກນີ້, ທ່ານສິນກ່າງ, ໂຄສົກກະຊວງການຕ່າງປະເທດຈີນ ໄດ້ໃຫ້ທັດສະນະກ່ຽວກັບຊາວອາເມລິກາເຊື້ອສາຍຈີນແລະຈີນຕ່າງດ້າວທີ່ອາໄສຢູ່ອາເມລິກາຈັດງານຊຸມນຸມເພື່ອປະທ້ວງບໍລິສັດກະຈາຍສຽງອາເມລິກາ ຫຼື ABC ທີ່ຢຽບຫຍາມຊາວຈີນໃນລາຍການອອກອາກາດຂອງຕົນ. ທ່ານສິນກ່າງ ກ່າວວ່າ: ABC ຫວ່ານຖ້ອຍຄວາມດູຖູກ ຈຳແນກເຊື້ອຊາດແລະກໍ່ອາຄາດບາດໝາງລະຫວ່າງເຊື້ອຊາດ, ໄດ້ຝືນກັບຄວາມຮັບຜິດຊອບຂອງສື່ມວນຊົນຕໍ່ສັງຄົມ. ABC ຄວນປະຕິບັດຕໍ່ຄວາມຜິດພາດຂອງຕົນຢ່າງຖືກຕ້ອງ, ໃຫ້ຄຳຕອບດ້ວຍຄວາມຈິງໃຈຕໍ່ຄວາມຮຽກຮ້ອງອັນຊອບທຳຂອງຊາວອາເມລິກາເຊື້ອສາຍຈີນແລະຈີນຕ່າງດ້າວ, ແລະ ຫຼີກເວັ້ນບໍ່ໃຫ້ເກີດເຫດການຄ້າຍຄືກັນອີກ.
