ຝ່າຍຕໍ່ຕ້ານຂອງຊີຣີເຫັນດີເຂົ້າຮ່ວມກອງປະຊຸມເຊີແນວໂດຍມີເງີ່ອນໄຂ
ຕອນຄໍ່າວັນທີ 11 ພະຈິກນີ້, "ສະຫະພັນຝ່າຍຕໍ່ຕ້ານແລະກໍາລັງປະຕິຮູບແຫ່ງຊາດຊີຣີ" ຫລື ("ສະຫະພັນແຫ່ງຊາດ") ທີ່ເປັນຝ່າຍຕໍ່ຕ້ານຕົ້ນຕໍພາຍໃນຊີຣີ ໄດ້ອອກຖະແຫລງການວ່າ, ຝ່າຍຕໍ່ຕ້ານຂອງຊີຣີເຫັນດີເຂົ້າຮ່ວມກອງປະຊຸມເຊີແນວໂດຍມີເງີ່ອນໄຂ, ຮຽກຮ້ອງໃຫ້ປະຊາຄົມໂລກຈົ່ງເປີດແນວທາງວັດຖຸດ້ານມະນຸດສະທໍາຢູ່ຊີຣີ ແລະຮຽກຮ້ອງໃຫ້ລັດຖະບານຊີຣີຈົ່ງປ່ອຍນັກໂທດການເມືອງ.
ທ່ານລູໄອ ຊາຟີ, ໂຄສົກ "ສະຫະພັນແຫ່ງຊາດ" ກ່າວຢູ່ນະຄອນອິສຕານບູບ ຂອງຕວກກີວ່າ, ຖະແຫລງການສະບັບນີ້ແມ່ນບັນລຸໂດຍສະມາຊິກ 100 ກວ່າທ່ານຂອງ "ສະຫະພັນແຫ່ງຊາດ" ພາຍຫລັງການຈັດກອງປະຊຸມເປັນເວລາ 2 ມື້ແລະມີມະຕິອອກມາຢູ່ນະຄອນອິສຕານບູນຂອງຕວກກີ. "ສະຫະພັນແຫ່ງຊາດ" ຍັງໄດ້ຈັດຄະນະກໍາມະການສະເພາະກິດຂຶ້ນເພື່ອປຶກສາຫາລືກັບກໍາລັງປະກອບອາວຸດຕໍ່ຕ້ານລັດຖະບານຢູ່ຊີຣີ ເພື່ອຂໍການສະໜັບສະໜູນຂອງເຂົາເຈົ້າ.
