ລັດຖະບານຈີນເລັ່ງລັດແກ້ໄຂບັນຫາຊີວິດການເປັນຢູ່ຂອງປະຊາຊົນ
(GMT+08:00) 2013-11-12 17:16:36 cri
ກອງປະຊຸມຄົບຄະນະຂອງສູນກາງພັກກອມມູນິດຈີນຄັ້ງ 3 ສະໄໝທີ 18 ທີ່ດຳເນີນເປັນເວລາ 4 ມື້ນັ້ນໄດ້ອັດລົງແລ້ວໃນວັນທີ 12 ພະຈິກນີ້. ສິ່ງທີ່ປະຊາຊົນຈີນສົນໃຈທີ່ສຸດນັ້ນແມ່ນ ພັກກອມມູນິດຈີນເຊິ່ງເປັນພັກກຳອຳນາດຈະວາງແຜນຈາກຊັ້ນເທິງເພື່ອແກ້ໄຂບັນຫາຊີວິດການເປັນຢູ່ຂອງປະຊາຊົນຕື່ມອີກ, ເຊິ່ງແຜນການດັ່ງກ່າວຈະສາມາດແບ່ງປັນໝາກຜົນຂອງການພັດທະນາເສດຖະກິດ-ສັງຄົມໃຫ້ປະຊາຊົນໄດ້ດີກວ່າເກົ່າ.
ນັບແຕ່ໄຂກອງປະຊຸມໃຫຍ່ພັກກອມມູນິດຈີນຄັ້ງທີ 18 ເປັນຕົ້ນມາ, ລັດຖະບານຈີນໄດ້ຍຶດໝັ້ນທິດທາງທີ່ໃຫ້ບູລິມະສິດແກ່ການພັດທະນາແລະການປັບປຸງຊີວິດການເປັນຢູ່ຂອງປະຊາຊົນ, ໄດ້ແກ້ໄຂບັນຫາກ່ຽວກັບການປິ່ນປົວພະຍາດ, ການສຶກສາ, ນະໂຍບາຍສຳມະໂນຄົວແລະການປະກັນສັງຄົມທີ່ປະຊາຊົນມີຄວາມສົນໃຈທີ່ສຸດແລະໂດຍກົງທີ່ສຸດ, ໄດ້ອອກແຮງແກ້ໄຂບັນຫາຫຍຸ້ງຍາກ, ຊີວິດການເປັນຢູ່ອັນພື້ນຖານຂອງປະຊາຊົນໄດ້ຮັບການຮັບປະກັນຢ່າງບໍ່ຢຸດຢັ້ງ.
ສິ່ງທີ່ພື້ນຖານທີ່ສຸດຂອງຊີວິດການເປັນຢູ່ຂອງປະຊາຊົນແມ່ນການປະກອບອາຊີບ. ມີທ້ອງຖິ່ນນັບມື້ນັບຫຼາຍໄດ້ປະກາດໃຊ້ມາດຕະການເພື່ອເພີ່ມຕຳແໜ່ງປະກອບອາຊີບ ແລະມາດຕະການເຫຼົ່ານີ້ກໍໄດ້ຄົບຖ້ວນບໍລິບູນກວ່າເກົ່າ. ພາຍໃຕ້ເບື້ອງຫຼັງທີ່ຈັງຫວະເຕີບໂຕທາງດ້ານເສດຖະກິດຂອງຈີນໃນປີນີ້ໄດ້ຊັກຊ້າລົງ, ພ້ອມທັງສະພາບການປະກອບອາຊີບຂ້ຽວຂາດຫຼາຍ, ລັດຖະບານໄດ້ປະກາດໃຊ້ມາດຕະການຕ່າງໆຢ່າງແຂງແຮງ ເຊິ່ງລວມທັງການຫຼຸດຫຼືຍົກເວັ້ນພາສີອາກອນຂອງວິສາຫະກິດຂະໜາດນ້ອຍ, ແລະໃຫ້ການສະໜັບສະໜູນການປະກອບອາຊີບຂອງກຸ່ມຄົນທີ່ມີຄວາມຫຍຸ້ງຍາກກ່ອນ.
ອາກາດ, ນ້ຳ, ດິນ ແລະຄວາມປອດໄພດ້ານສະບຽງອາຫານແມ່ນຄວາມຕ້ອງການທີ່ພື້ນຖານທີ່ສຸດໃນການດຳລົງຊີວິດຂອງປະຊາຊົນ, ກໍແມ່ນບັນຫາ ພື້ນຖານທີ່ສຸດທີ່ປະຊາຊົນເອົາໃຈໃສ່. ນັບແຕ່ຕົ້ນປີນີ້ມາ, ລັດຖະບານໄດ້ຖືເອົາລະບົບມາດຖານດ້ານຄວາມປອດໄພຂອງສະບຽງອາຫານແລະຢຸກຢາ, ລະບົບຕິດຕາມກວດກາ ແລະລະບົບສິນເຊື່ອເປັນຈຸດສຳຄັນ, ສ້າງຕັ້ງລະບຽບການຕິດຕາມຄຸ້ມຄອງຄວາມປອດໄພດ້ານອາຫານແລະຢາເຊິ່ງປົກຄຸມໄປທຸກໆຂັ້ນຕອນແລະມີຄວາມເຂັ້ມງວດທີ່ສຸດ; ໃນດ້ານອະນຸລັກສະພາບແວດລ້ອມ, ປະຕິບັດການຄວບຄຸມສິ່ງມົນລະພິດຫຼາຍຢ່າງພ້ອມກັນ, ແລະເພີ່ມທະວີການແກ້ໄຂແຫຼ່ງມົນລະພິດຫຼາຍຢ່າງແບບສັງລວມ.
ຖ້າຢາກປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ກໍຕ້ອງດຳເນີນການປະຕິຮູບ, ບູລະນະໂຄງປະກອບແລະກົນໄກໃຫ້ສົມບູນຂຶ້ນ, ສ້າງສະພາບແວດລ້ອມທາງສັງຄົມທີ່ມີຄວາມຍຸດຕິທຳໃນດ້ານສິດ, ໂອກາດ ແລະກະຕິກາ. ທັງນີ້ກໍແມ່ນວຽກງານຈຸດສຸມຂອງພັກແລະລັດນັບແຕ່ກອງປະຊຸມໃຫຍ່ພັກກອມມູນິດຈີນຄັ້ງທີ 18 ເປັນຕົ້ນມາເຊັ່ນດຽວກັນ.
ໃນດ້ານການເບິ່ງແຍງລ້ຽງດູຜູ້ເຖົ້າ, ປີນີ້ ລັດຖະບານຈີນໄດ້ເຜີຍແຜ່ "ບາງຄວາມເຫັນ ກ່ຽວກັບການເລັ່ງລັດພັດທະນາຂະແໜງການບໍລິການດ້ານການລ້ຽງດູຜູ້ເຖົ້າ", ໂດຍສະເໜີວ່າ ຕ້ອງຜ່ານການປ່ອຍສິດໃຫ້ທ້ອງຖິ່ນ, ປະດິດສ້າງໂຄງປະກອບແລະກົນໄກໃໝ່, ກະຕຸກຄວາມມີຊີວິດຊີວາຂອງສັງຄົມ, ຄ່ອຍໆເຮັດໃຫ້ກຳລັງໃນສັງຄົມກາຍເປັນກຳລັງຕົ້ນຕໍໃນການພັດທະນາຂະແໜງການບໍລິການດ້ານການລ້ຽງດູຜູ້ເຖົ້າ.
ຈີນຈະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນດ້ວຍການພັດທະນາເສດຖະກິດ, ຮັບປະກັນຊີວິດການເປັນຢູ່ຂອງປະຊາຊົນດ້ວຍການປະຕິຮູບແລະຫົວຄິດປະດິດສ້າງ, ແລະສ້າງຊີວິດອັນຈົບງາມດ້ວຍຄວາມກ້າວໜ້າທາງສັງຄົມ. ປະຊາຊົນເຊື່ອວ່າ, ຄຽງຄູ່ກັບກຳລັງສັງລວມແຫ່ງຊາດຈີນເພີ່ມທະວີຂຶ້ນຢ່າງບໍ່ຢຸດຢັ້ງ, ບັນຫາຊີວິດການເປັນຢູ່ຂອງປະຊາຊົນ ຍ່ອມຈະໄດ້ຮັບການແກ້ໄຂຈາກລະດັບທີ່ສູງກວ່າເກົ່າ, ປະຊາຊົນນັບມື້ຫຼາຍ ຈະໄດ້ແບ່ງປັນໝາກຜົນແຫ່ງການພັດທະນາເສດຖະກິດແລະສັງຄົມໄດ້ດີກວ່າເກົ່າ.
ນັບແຕ່ໄຂກອງປະຊຸມໃຫຍ່ພັກກອມມູນິດຈີນຄັ້ງທີ 18 ເປັນຕົ້ນມາ, ລັດຖະບານຈີນໄດ້ຍຶດໝັ້ນທິດທາງທີ່ໃຫ້ບູລິມະສິດແກ່ການພັດທະນາແລະການປັບປຸງຊີວິດການເປັນຢູ່ຂອງປະຊາຊົນ, ໄດ້ແກ້ໄຂບັນຫາກ່ຽວກັບການປິ່ນປົວພະຍາດ, ການສຶກສາ, ນະໂຍບາຍສຳມະໂນຄົວແລະການປະກັນສັງຄົມທີ່ປະຊາຊົນມີຄວາມສົນໃຈທີ່ສຸດແລະໂດຍກົງທີ່ສຸດ, ໄດ້ອອກແຮງແກ້ໄຂບັນຫາຫຍຸ້ງຍາກ, ຊີວິດການເປັນຢູ່ອັນພື້ນຖານຂອງປະຊາຊົນໄດ້ຮັບການຮັບປະກັນຢ່າງບໍ່ຢຸດຢັ້ງ.
ສິ່ງທີ່ພື້ນຖານທີ່ສຸດຂອງຊີວິດການເປັນຢູ່ຂອງປະຊາຊົນແມ່ນການປະກອບອາຊີບ. ມີທ້ອງຖິ່ນນັບມື້ນັບຫຼາຍໄດ້ປະກາດໃຊ້ມາດຕະການເພື່ອເພີ່ມຕຳແໜ່ງປະກອບອາຊີບ ແລະມາດຕະການເຫຼົ່ານີ້ກໍໄດ້ຄົບຖ້ວນບໍລິບູນກວ່າເກົ່າ. ພາຍໃຕ້ເບື້ອງຫຼັງທີ່ຈັງຫວະເຕີບໂຕທາງດ້ານເສດຖະກິດຂອງຈີນໃນປີນີ້ໄດ້ຊັກຊ້າລົງ, ພ້ອມທັງສະພາບການປະກອບອາຊີບຂ້ຽວຂາດຫຼາຍ, ລັດຖະບານໄດ້ປະກາດໃຊ້ມາດຕະການຕ່າງໆຢ່າງແຂງແຮງ ເຊິ່ງລວມທັງການຫຼຸດຫຼືຍົກເວັ້ນພາສີອາກອນຂອງວິສາຫະກິດຂະໜາດນ້ອຍ, ແລະໃຫ້ການສະໜັບສະໜູນການປະກອບອາຊີບຂອງກຸ່ມຄົນທີ່ມີຄວາມຫຍຸ້ງຍາກກ່ອນ.
ອາກາດ, ນ້ຳ, ດິນ ແລະຄວາມປອດໄພດ້ານສະບຽງອາຫານແມ່ນຄວາມຕ້ອງການທີ່ພື້ນຖານທີ່ສຸດໃນການດຳລົງຊີວິດຂອງປະຊາຊົນ, ກໍແມ່ນບັນຫາ ພື້ນຖານທີ່ສຸດທີ່ປະຊາຊົນເອົາໃຈໃສ່. ນັບແຕ່ຕົ້ນປີນີ້ມາ, ລັດຖະບານໄດ້ຖືເອົາລະບົບມາດຖານດ້ານຄວາມປອດໄພຂອງສະບຽງອາຫານແລະຢຸກຢາ, ລະບົບຕິດຕາມກວດກາ ແລະລະບົບສິນເຊື່ອເປັນຈຸດສຳຄັນ, ສ້າງຕັ້ງລະບຽບການຕິດຕາມຄຸ້ມຄອງຄວາມປອດໄພດ້ານອາຫານແລະຢາເຊິ່ງປົກຄຸມໄປທຸກໆຂັ້ນຕອນແລະມີຄວາມເຂັ້ມງວດທີ່ສຸດ; ໃນດ້ານອະນຸລັກສະພາບແວດລ້ອມ, ປະຕິບັດການຄວບຄຸມສິ່ງມົນລະພິດຫຼາຍຢ່າງພ້ອມກັນ, ແລະເພີ່ມທະວີການແກ້ໄຂແຫຼ່ງມົນລະພິດຫຼາຍຢ່າງແບບສັງລວມ.
ຖ້າຢາກປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ກໍຕ້ອງດຳເນີນການປະຕິຮູບ, ບູລະນະໂຄງປະກອບແລະກົນໄກໃຫ້ສົມບູນຂຶ້ນ, ສ້າງສະພາບແວດລ້ອມທາງສັງຄົມທີ່ມີຄວາມຍຸດຕິທຳໃນດ້ານສິດ, ໂອກາດ ແລະກະຕິກາ. ທັງນີ້ກໍແມ່ນວຽກງານຈຸດສຸມຂອງພັກແລະລັດນັບແຕ່ກອງປະຊຸມໃຫຍ່ພັກກອມມູນິດຈີນຄັ້ງທີ 18 ເປັນຕົ້ນມາເຊັ່ນດຽວກັນ.
ໃນດ້ານການເບິ່ງແຍງລ້ຽງດູຜູ້ເຖົ້າ, ປີນີ້ ລັດຖະບານຈີນໄດ້ເຜີຍແຜ່ "ບາງຄວາມເຫັນ ກ່ຽວກັບການເລັ່ງລັດພັດທະນາຂະແໜງການບໍລິການດ້ານການລ້ຽງດູຜູ້ເຖົ້າ", ໂດຍສະເໜີວ່າ ຕ້ອງຜ່ານການປ່ອຍສິດໃຫ້ທ້ອງຖິ່ນ, ປະດິດສ້າງໂຄງປະກອບແລະກົນໄກໃໝ່, ກະຕຸກຄວາມມີຊີວິດຊີວາຂອງສັງຄົມ, ຄ່ອຍໆເຮັດໃຫ້ກຳລັງໃນສັງຄົມກາຍເປັນກຳລັງຕົ້ນຕໍໃນການພັດທະນາຂະແໜງການບໍລິການດ້ານການລ້ຽງດູຜູ້ເຖົ້າ.
ຈີນຈະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນດ້ວຍການພັດທະນາເສດຖະກິດ, ຮັບປະກັນຊີວິດການເປັນຢູ່ຂອງປະຊາຊົນດ້ວຍການປະຕິຮູບແລະຫົວຄິດປະດິດສ້າງ, ແລະສ້າງຊີວິດອັນຈົບງາມດ້ວຍຄວາມກ້າວໜ້າທາງສັງຄົມ. ປະຊາຊົນເຊື່ອວ່າ, ຄຽງຄູ່ກັບກຳລັງສັງລວມແຫ່ງຊາດຈີນເພີ່ມທະວີຂຶ້ນຢ່າງບໍ່ຢຸດຢັ້ງ, ບັນຫາຊີວິດການເປັນຢູ່ຂອງປະຊາຊົນ ຍ່ອມຈະໄດ້ຮັບການແກ້ໄຂຈາກລະດັບທີ່ສູງກວ່າເກົ່າ, ປະຊາຊົນນັບມື້ຫຼາຍ ຈະໄດ້ແບ່ງປັນໝາກຜົນແຫ່ງການພັດທະນາເສດຖະກິດແລະສັງຄົມໄດ້ດີກວ່າເກົ່າ.
