ຈັດການເຈລະຈາຮອບທີ 2 ກ່ຽວກັບສັນຍາການຄ້າເສລີອາເມລິກາ-ເອີລົບ
(GMT+08:00) 2013-11-12 18:06:06 cri
ຕາມຂ່າວສານຊິນຮວາ: ວັນທີ 11 ພະຈິກນີ້ ຢູ່ທີ່ບຣຸກແຊນ ສະຫະພາບເອີລົບແລະອາເມລິກາໄດ້ດຳເນີນການເຈລະຈາຮອບທີ 2 ກ່ຽວກັບ "ສົນທິສັນຍາວ່າດ້ວຍການພົວພັນໝູ່ຄູ່ດ້ານການຄ້າແລະການລົງທຶນຂ້າມມະຫາສະໝຸດອັດລັງຕິກ".
ການເຈລະຈາຮອບນີ້ໄດ້ປະສົບຄວາມຫຍຸ້ງຍາກຕ່າງໆນາໆ, ກ່ອນອື່ນແມ່ນໄດ້ຮັບຜົນກະທົບຈາກການຢຸດຕິເຮັດວຽກຂອງລັດຖະບານອາເມລິກາໃນເດືອນຕຸລາຜ່ານມາ, ເຮັດໃຫ້ການເຈລະຈາຖືກບັງຄັບເລື່ອນເວລາ, ເຫດການທີ່ອາເມລິກາຕິດຕາມລັກຟັງໂທລະສັບຂອງບຸກຄົນສຳຄັນດ້ານການເມືອງແລະປະຊາຊົນຂອງເອີລົບທີ່ຖືກເປີດເຜີຍໃນທ້າຍເດືອນຕຸລາຜ່ານມານັ້ນ ເຮັດໃຫ້ຂະບວນການເຈລະຈາມີຄວາມບໍ່ແນ່ນອນ. ຫວ່າງກ່ອນນີ້ບໍ່ດົນ ທ່ານນາງວີວີອາເນ ເຣດິງ ກຳມະການທີ່ຮັບຜິດຊອບວຽກງານຕຸລາການ, ສິດທິມະນຸດແລະປະຊາຊົນຂອງຄະນະກຳມະການສະຫະພາບເອີລົບໄດ້ຕຳນິອາເມລິກາຢ່າງເປີດເຜີຍວ່າ, ການຕິດຕາມລັກຟັງທີ່ແນໃສ່ເອີລົບຂອງອາເມລິກາໄດ້ທຳລາຍຄວາມໄວ້ເນື້ອເຊື່ອໃຈກັນຂ້າມມະຫາສະໝຸດອັດລັງຕິກ. ນາງຮຽກຮ້ອງໃຫ້ອາເມລິກາຈົ່ງເພີ່ມທະວີການສ້າງກົດໝາຍກ່ຽວກັບສິດສ່ວນຕົວເພື່ອສ້າງຄວາມໄວ້ເນື້ອເຊື່ອໃຈກັນຄືນໃໝ່, ຖ້າບໍ່ດັ່ງນັ້ນ ການເຈລະຈາລະຫວ່າງສອງຝ່າຍອາດຈະໄດ້ຮັບຜົນສະທ້ອນ.
ການເຈລະຈາຮອບນີ້ໄດ້ປະສົບຄວາມຫຍຸ້ງຍາກຕ່າງໆນາໆ, ກ່ອນອື່ນແມ່ນໄດ້ຮັບຜົນກະທົບຈາກການຢຸດຕິເຮັດວຽກຂອງລັດຖະບານອາເມລິກາໃນເດືອນຕຸລາຜ່ານມາ, ເຮັດໃຫ້ການເຈລະຈາຖືກບັງຄັບເລື່ອນເວລາ, ເຫດການທີ່ອາເມລິກາຕິດຕາມລັກຟັງໂທລະສັບຂອງບຸກຄົນສຳຄັນດ້ານການເມືອງແລະປະຊາຊົນຂອງເອີລົບທີ່ຖືກເປີດເຜີຍໃນທ້າຍເດືອນຕຸລາຜ່ານມານັ້ນ ເຮັດໃຫ້ຂະບວນການເຈລະຈາມີຄວາມບໍ່ແນ່ນອນ. ຫວ່າງກ່ອນນີ້ບໍ່ດົນ ທ່ານນາງວີວີອາເນ ເຣດິງ ກຳມະການທີ່ຮັບຜິດຊອບວຽກງານຕຸລາການ, ສິດທິມະນຸດແລະປະຊາຊົນຂອງຄະນະກຳມະການສະຫະພາບເອີລົບໄດ້ຕຳນິອາເມລິກາຢ່າງເປີດເຜີຍວ່າ, ການຕິດຕາມລັກຟັງທີ່ແນໃສ່ເອີລົບຂອງອາເມລິກາໄດ້ທຳລາຍຄວາມໄວ້ເນື້ອເຊື່ອໃຈກັນຂ້າມມະຫາສະໝຸດອັດລັງຕິກ. ນາງຮຽກຮ້ອງໃຫ້ອາເມລິກາຈົ່ງເພີ່ມທະວີການສ້າງກົດໝາຍກ່ຽວກັບສິດສ່ວນຕົວເພື່ອສ້າງຄວາມໄວ້ເນື້ອເຊື່ອໃຈກັນຄືນໃໝ່, ຖ້າບໍ່ດັ່ງນັ້ນ ການເຈລະຈາລະຫວ່າງສອງຝ່າຍອາດຈະໄດ້ຮັບຜົນສະທ້ອນ.
