ຝ່າຍຕ່າງໆທີ່ກ່ຽວຂ້ອງຂອງຊີຣີລ້ວນແຕ່ຄວນຊຸກຍູ້ແລະເຂົ້າຮ່ວມກອງປະຊຸມເຊີແນວຄັ້ງທີສອງໂດຍໄວຢ່າງບໍ່ມີເງື່ອນໄຂ
ໃນງານຖະແຫຼງຂ່າວທີ່ຈັດຂຶ້ນໃນວັນທີ 12 ພະຈິກນີ້, ທ່ານຊິງກ່າງ, ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຕ່າງໆທີ່ກ່ຽວຂ້ອງຂອງຊີຣີລ້ວນແຕ່ຄວນສະໜັບສະໜູນຄວາມພະຍາຍາມການໄກ່ເກ່ຍຂອງເລຂາທິການໃຫຍ່ອົງການສະຫະປະຊາຊາດແລະທ່ານບຼາຮິມິ, ຜູ້ຕາງໜ້າພິເສດຮ່ວມກ່ຽວກັບບັນຫາຊີຣີຂອງອົງການສະຫະປະຊາຊາດແລະສັນນິບາດອາຣັບ, ຊຸກຍູ້ແລະເຂົ້າຮ່ວມກອງປະຊຸມເຊີແນວຄັ້ງທີສອງໂດຍໄວຢ່າງບໍ່ມີເງື່ອນໄຂ.
ທ່ານຊິງກ່າງກ່າວວ່າ, ຈີນເຫັນວ່າ, ການແກ້ໄຂບັນຫາຊີຣີດ້ວຍວິທີທາງການເມືອງແມ່ນທາງອອກພຽງທາງດຽວໃນການແກ້ໄຂບັນຫາຊີຣີ, ນີ້ກໍ່ແມ່ນຄວາມຮັບຮູ້ທີ່ເປັນເອກະສັນກັນຂອງປະຊາຄົມໂລກ. ວຽກງານອັນຮີບດ່ວນທີ່ສຸດແມ່ນຝ່າຍຕ່າງໆທີ່ກ່ຽວຂ້ອງຂອງຊີຣີຄວນສະໜັບສະໜູນຄວາມພະຍາຍາມຂອງເລຂາທິການໃຫຍ່ອົງການສະຫະປະຊາຊາດແລະທ່ານບຼາຮິມິ, ຊຸກຍູ້ແລະເຂົ້າຮ່ວມກອງປະຊຸມເຊີແນວຄັ້ງທີສອງໂດຍໄວຢ່າງບໍ່ມີເງື່ອນໄຂ. ຫວັງວ່າໂດຍຜ່ານຈາກກອງປະຊຸມເຊີແນວຄັ້ງທີສອງນີ້, ຈະເປັນການວາງແຜນຂະບວນການທາງການເມືອງບາດກ້າວເດີນໃນອະນາຄົດຂອງຊີຣີ, ເຮັດໃຫ້ຊີຣີບັນລຸສັນຕິພາບ, ສະຖຽນລະພາບແລະຄວາມສະຫງົບປອດໄພໂດຍໄວ.
