ກະຊວງການຕ່າງປະເທດຈີນກ່າວວ່າ ການພົວພັນຈີນ-ຍີ່ປຸ່ນກໍາລັງປະເຊີນໜ້າກັບຄວາມຫຍຸ້ງຍາກຢ່າງໜັກໜ່ວງ, ແຕ່ບໍ່ແມ່ນຝ່າຍຈີນເປັນຜູ້ສ້າງຂຶ້ນ
ວັນທີ 12 ພະຈິກນີ້, ທ່ານຊິນກ່າງ, ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວຢູ່ນະຄອນຫລວງປັກກິ່ງວ່າ, ປັດຈຸບັນນີ້, ການພົວພັນຈີນ-ຍີ່ປຸ່ນກໍາລັງປະເຊີນໜ້າກັບຄວາມຫຍຸ້ງຍາກຢ່າງໜັກໜ່ວງ, ແຕ່ບໍ່ແມ່ນຝ່າຍຈີນເປັນຜູ້ສ້າງຂຶ້ນ ແລະກໍບໍ່ແມ່ນສິ່ງທີ່ພວກຂ້າພະເຈົ້າຢາກເຫັນ.
ຂ່າວແຈ້ງວ່າ, ວັນທີ 11 ພະຈິກນີ້, ທ່ານຢາຊູໂອະ ຟູຄູດາ, ອະດີດນາຍົກລັດຖະມົນຕີຍີ່ປຸ່ນໄດ້ກ່າວປາຖະກະຖາ ໂດຍໄດ້ເຕືອນລັດຖະບານຊິນໂຈ ອາເບະໃຫ້ພະຍາຍາມເພື່ອປັບປຸງການພົວພັນກັບຈີນແລະສ.ເກົາຫລີໃຫ້ດີຂຶ້ນ.
ທ່ານຊິນກ່າງກ່າວວ່າ, ຝ່າຍຈີນຫວັງວ່າ ລັດຖະບານຍີ່ປຸ່ນສາມາດຮັບຝັງແລະເອົາໃຈໃສ່ຂໍ້ສະເໜີທີ່ຕັ້ງໜ້າແລະມີລັກສະນະສ້າງສັນຂອງບຸກຄົນທີ່ມີຄວາມຮູ້ຄວາມສາມາດແລະມີສາຕາເບິ່ງກວ້າງມອງໄກຂອງຍີ່ປຸ່ນ ແລະຈັດຕັ້ງປະຕິບັດໃນການກະທໍາຕົວຈິງ. ຝ່າຍຈີນຍິນດີຮ່ວມກັບບຸກຄົນວົງການຕ່າງໆຂອງຍີ່ປຸ່ນທີ່ເອົາໃຈໃສ່ແລະສະໜັບສະໜູນໄມຕີຈິດມິດຕະພາບຈີນ-ຍີ່ປຸ່ນ ທໍາຄວາມພະຍາຍາມເພື່ອປະກອບສ່ວນເຂົ້າໃນການປັບປຸງແລະພັດທະນາການພົວພັນຈີນ-ຍີ່ປຸ່ນ.
