ເວທີປຶກສາຫາລືດ້ານທຸລະກິດຈີນທົ່ວໂລກຄັ້ງທີ 9 ອັດລົງແລ້ວ
ວັນທີ 12 ພະຈິກນີ້, ເວທີປຶກສາຫາລືດ້ານທຸລະກິດທົ່ວໂລກຈີນຄັ້ງທີ 9 ທີ່ດໍາເນີນມາເປັນເວລາ 2 ວັນ ໄດ້ອັດລົງຢູ່ນະຄອນລາໄຮຂອງໂຮນລັງ. ບຸກຄົນດີເດັ່ນດ້ານທຸລະກິດທີ່ມາຈາກວິສາຫະກິດຫລາຍສິບແຫ່ງຂອງຈີນໄດ້ຮ່ວມກັບນັກທຸລະກິດແລະນັກວິຊາການທີ່ມາຈາກຫລາຍປະເທດແລະພາກພື້ນເຊັ່ນໂຮນລັງ, ສະວິສ, ອາເມລິກາ ແລະອື່ນໆ, ດໍາເນີນການສົນທະນາຢ່າງເລິກເຊິ່ງໂດຍປິ່ນອ້ອມຫົວຂໍ້ຕ່າງໆດ້ານເສດຖະກິດຂອງຈີນ ແລະເບິ່ງອະນາຄົດອັນດີງານຂອງເສດຖະກິດຈີນ.
ເວທີປຶກສາຫາລືຄັ້ງນີ້ຖືເຕັກໂນໂລຊີສິ່ງແວດລ້ອມແລະການພັດທະນາແບບຍືນຍົງເປັນຫົວຂໍ້ຕົ້ນຕໍ, ພ້ອມດຽວກັນນັ້ນ, ເອົາໃຈໃສ່ຫົວຂໍ້ຕ່າງໆເຊັ່ນການທະນາຄານ, ສະບຽງອາຫານດ້ານກະສິກໍາພາຍໃຕ້ເບື້ອງຫລັງການພັດທະນາຂອງການພົວພັນຈີນ-ເອີຣົບ ແລະໄດ້ປຶກ ສາຫາລືຫົວຂໍ້ຕ່າງໆ ເຊັ່ນການພັດທະນາຢູ່ຕ່າງປະເທດຂອງວິສາຫະກິດທີ່ລົງທຶນໂດຍຈີນ.
ທ່ານຟຣັກ ຣິສເຕີ, ປະທານເວທີປຶກສາຫາລືດ້ານທຸລະກິດຈີນທົ່ວໂລກກ່າວວ່າ, ຈີນຈະກາຍເປັນກໍາລັງຊຸກຍູ້ໃໝ່ຂອງໂລກໃນຍຸກໂລກາພິວັດ. ພວກຂ້າພະເຈົ້າໄດ້ເຊື້ອເຊີນນັກທຸລະກິດຈີນມາເຂົ້າຮ່ວມເວທີປຶກສາຫາລືປີລະຄັ້ງແລະພົບປະກັບຄູ່ຮ່ວມມືສາກົນຂອງເຂົາເຈົ້າ ເພື່ອສະໜັບສະໜູນການພັດທະນາຢູ່ທົ່ວໂລກຂອງວິສາຫະກິດຈີນ ແລະວາງເປົ້າໝາຍໃຫ້ແກ່ຂະບວນການໂລກາພິວັດໃນດ້ານນີ້.
