ສື່ມວນຊົນຕ່າງປະເທດສົນໃຈຕໍ່ຕະຫຼາດຈີນທີ່ຈະຫັນປ່ຽນຮູບການທີ່ມີລັກສະນະຕັດສິນ
(GMT+08:00) 2013-11-14 19:41:00 cri
ຕາມຂ່າວCRI: ກອງປະຊຸມຄົບຄະນະຂອງພັກກອມມູນິດຈີນຄັ້ງທີ 3 ສະໄໝທີ 18 ທີ່ຫາກໍ່ອັດລົງນັ້ນໄດ້ມີການຈັດວາງທີ່ສຳຄັນກ່ຽວກັບການລົງເລິກປະຕິຮູບຂອງຈີນຢ່າງຮອບດ້ານ, ກອງປະຊຸມຊີ້ອອກວ່າ, ຕ້ອງລົງເລິກປະຕິຮູບໂຄງປະກອບເສດຖະກິດໂດຍປິ່ນອ້ອມການເຮັດໃຫ້ຕະຫຼາດມີບົດບາດຕັດສິນໃນການຈັດສັນຊັບພະຍາກອນ. ໃນເສດຖະກິດຈີນ ໜ້າທີ່ຂອງຕະຫຼາດຈະຈາກແບບພື້ນຖານຫັນເປັນແບບຕັດສິນ, ທັງນີ້ໄດ້ກາຍເປັນຈຸດຮ້ອນທີ່ສື່ມວນຊົນຕ່າງປະເທດໃຫ້ຄວາມສົນໃຈ.
ໜັງສືພິມວໍຊິງຕັນພົສຂອງອາເມລິກາລາຍງານວ່າ, ເນື່ອງໃນໂອກາດພາຍນອກມີຄວາມສົງໄສຫຼາຍກວ່າເກົ່າຕໍ່ຮູບການເຕີບໂຕຂອງເສດຖະກິດຈີນຢ່າງຕໍ່ເນື່ອງ, ການນຳຈີນໃຫ້ຄຳໝັ້ນສັນຍາວ່າຈະປັບປຸງການບໍລິຫານຂອງລັດຖະບານ, ເຮັດໃຫ້ຕະຫຼາດເສີມຂະຫຍາຍບົດບາດຕັດສິນໃນການຈັດສັນຊັບພະຍາກອນ. ເພື່ອຊຸກຍູ້ການປະຕິຮູບຢ່າງມີປະສິດທິຜົນ, ພັກກອມມູນິດຈີນຕົກລົງສ້າງຕັ້ງໜ່ວຍການນຳພາການລົງເລິກປະຕິຮູບຢ່າງຮອບດ້ານ, ການຕົກລົງນີ້ໄດ້ສະແດງໃຫ້ເຫັນເຖິງຄວາມສັບສົນແລະຍາວນານຂອງສະຖານະການປະຕິຮູບຂອງຈີນໃນລະດັບໃດໜຶ່ງ.
ໜັງສືພິມມາອີນີຊີ ຊີມບູນຂອງຍິ່ປຸ່ນລາຍງານວ່າ, ກອງປະຊຸມຄົບຄະນະຂອງພັກກອມມູນິດຈີນຄັ້ງທີ 3 ສະໄໝທີ 18 ໄດ້ກຳນົດທິດທາງທີ່ເອົາໃຈໃສ່ຕໍ່ຄຸນນະພາບດ້ານການເຕີບໂຕຂອງເສດຖະກິດແລະບົດບາດຂອງຕະຫຼາດຢ່າງຈະແຈ້ງ. ຕໍ່ໄປພາຍໜ້າ ຈີນຈະປັບປຸງກົນໄກລາຄາໃຫ້ເໝາະສົມ, ເປີດກວ້າງຕະຫຼາດຕໍ່ທຶນຕ່າງປະເທດຕື່ມອີກ, ປຸກລະດົມວິສາຫະກິດເອກະຊົນເຂົ້າຮ່ວມ, ສ້າງຕຳແໜ່ງວຽກງານໃໝ່ ແລະຮູບການອື່ນໆ, ຊຸກຍູ້ເສດຖະກິດເຕີບໂຕຕື່ມອີກ.
ພ້ອມກັນນັ້ນ, ຜູ້ຊ່ຽວຊານແລະນັກວິຊາການຂອງຕ່າງປະເທດກໍໄດ້ຕັ້ງໜ້າປະກອບຄຳຄິດຄຳເຫັນຕໍ່ການພັດທະນາຂອງຈີນໃນອະນາຄົດ. ທ່ານໂດຣິສ ຟິຊີ, ສາດສະດາຈານຂອງມະຫາວິທະຍາໄລອຸສເບີກຂອງເຢຍລະມັນ, ຜູ້ຊ່ຽວຊານຄົ້ນຄວ້າບັນຫາຈີນເຫັນວ່າ, ການປະຕິຮູບແມ່ນກຳລັງແຮງທີ່ຊຸກຍູ້ເສດຖະກິດຈີນໃຫ້ເຕີບໂຕໃນຫຼາຍປີມານີ້, ການສືບຕໍ່ຊຸກຍູ້ການປະຕິຮູບກໍແມ່ນຂໍກະແຈໃນການພັດທະນາເສດຖະກິດຈີນໃນອະນາຄົດ.
ໜັງສືພິມວໍຊິງຕັນພົສຂອງອາເມລິກາລາຍງານວ່າ, ເນື່ອງໃນໂອກາດພາຍນອກມີຄວາມສົງໄສຫຼາຍກວ່າເກົ່າຕໍ່ຮູບການເຕີບໂຕຂອງເສດຖະກິດຈີນຢ່າງຕໍ່ເນື່ອງ, ການນຳຈີນໃຫ້ຄຳໝັ້ນສັນຍາວ່າຈະປັບປຸງການບໍລິຫານຂອງລັດຖະບານ, ເຮັດໃຫ້ຕະຫຼາດເສີມຂະຫຍາຍບົດບາດຕັດສິນໃນການຈັດສັນຊັບພະຍາກອນ. ເພື່ອຊຸກຍູ້ການປະຕິຮູບຢ່າງມີປະສິດທິຜົນ, ພັກກອມມູນິດຈີນຕົກລົງສ້າງຕັ້ງໜ່ວຍການນຳພາການລົງເລິກປະຕິຮູບຢ່າງຮອບດ້ານ, ການຕົກລົງນີ້ໄດ້ສະແດງໃຫ້ເຫັນເຖິງຄວາມສັບສົນແລະຍາວນານຂອງສະຖານະການປະຕິຮູບຂອງຈີນໃນລະດັບໃດໜຶ່ງ.
ໜັງສືພິມມາອີນີຊີ ຊີມບູນຂອງຍິ່ປຸ່ນລາຍງານວ່າ, ກອງປະຊຸມຄົບຄະນະຂອງພັກກອມມູນິດຈີນຄັ້ງທີ 3 ສະໄໝທີ 18 ໄດ້ກຳນົດທິດທາງທີ່ເອົາໃຈໃສ່ຕໍ່ຄຸນນະພາບດ້ານການເຕີບໂຕຂອງເສດຖະກິດແລະບົດບາດຂອງຕະຫຼາດຢ່າງຈະແຈ້ງ. ຕໍ່ໄປພາຍໜ້າ ຈີນຈະປັບປຸງກົນໄກລາຄາໃຫ້ເໝາະສົມ, ເປີດກວ້າງຕະຫຼາດຕໍ່ທຶນຕ່າງປະເທດຕື່ມອີກ, ປຸກລະດົມວິສາຫະກິດເອກະຊົນເຂົ້າຮ່ວມ, ສ້າງຕຳແໜ່ງວຽກງານໃໝ່ ແລະຮູບການອື່ນໆ, ຊຸກຍູ້ເສດຖະກິດເຕີບໂຕຕື່ມອີກ.
ພ້ອມກັນນັ້ນ, ຜູ້ຊ່ຽວຊານແລະນັກວິຊາການຂອງຕ່າງປະເທດກໍໄດ້ຕັ້ງໜ້າປະກອບຄຳຄິດຄຳເຫັນຕໍ່ການພັດທະນາຂອງຈີນໃນອະນາຄົດ. ທ່ານໂດຣິສ ຟິຊີ, ສາດສະດາຈານຂອງມະຫາວິທະຍາໄລອຸສເບີກຂອງເຢຍລະມັນ, ຜູ້ຊ່ຽວຊານຄົ້ນຄວ້າບັນຫາຈີນເຫັນວ່າ, ການປະຕິຮູບແມ່ນກຳລັງແຮງທີ່ຊຸກຍູ້ເສດຖະກິດຈີນໃຫ້ເຕີບໂຕໃນຫຼາຍປີມານີ້, ການສືບຕໍ່ຊຸກຍູ້ການປະຕິຮູບກໍແມ່ນຂໍກະແຈໃນການພັດທະນາເສດຖະກິດຈີນໃນອະນາຄົດ.
