ກົດໝາຍວ່າດ້ວຍກອງປ້ອງກັນຕົວຍີ່ປຸ່ນສະບັບປັບປຸງເລີ່ມມີຜົນບັງຄັບໃຊ້ພາຍຫຼັງໄດ້ຮັບການຮັບຮອງຈາກສະພາສູງຍີ່ປຸ່ນ
ສະພາສູງຍີ່ປຸ່ນໄດ້ຮຽກໄຂກອງປະຊຸມຄົບຄະນະໃນຕອນເຊົ້າວັນທີ 15 ພະຈິກນີ້, ໂດຍໄດ້ຮັບຮອງເອົາກົດໝາຍວ່າດ້ວຍກອງປ້ອງກັນຕົວຍີ່ປຸ່ນສະບັບປັບປຸງ ເຊິ່ງໃນກົດໝາຍສະບັບປັບປຸງໄດ້ກຳນົດໄວ້ວ່າ, ກອງປ້ອງກັນຕົວສາມາດນຳສົ່ງຄົນຍີ່ປຸ່ນຢູ່ຕ່າງປະເທດທີ່ປະສົບເຫດການສຸກເສີນ ໂດຍຜ່ານທາງບົກໄດ້.
ອີງຕາມກົດໝາຍສະບັບປັບປຸງ, ເວລາປະສົບເຫດການສຸກເສີນຢູ່ຕ່າງປະເທດ, ກອງປ້ອງກັນຕົວສາມາດໃຊ້ລົດຍົນນຳສົ່ງຄົນຍີ່ປຸ່ນໂດຍຜ່ານທາງບົກໄດ້, ເຊິ່ງເປົ້າໝາຍນຳສົ່ງນອກຈາກຄົນຍີ່ປຸ່ນແລະຄົນຕ່າງປະເທດທີ່ "ຕ້ອງການປົກປ້ອງ" ແລ້ວ, ຍັງໄດ້ເພີ່ມ "ຄອບຄົວຂອງເຂົາເຈົ້າແລະບຸກຄົນທີ່ກ່ຽວຂ້ອງອື່ນໆ" ນຳອີກ, ເງື່ອນໄຂການນຳສົ່ງແມ່ນພາຍໃຕ້ "ສະພາບການທີ່ສາມາດນຳສົ່ງຢ່າງປອດໄພໄດ້".
"ກົດໝາຍວ່າດ້ວຍກອງປ້ອງກັນຕົວ" ສະບັບນຳໃຊ້ໃນປັດຈຸບັນ ໄດ້ລະບຸໄວ້ວ່າ: ໃນເວລາເກີດເຫດການສຸກເສີນຢູ່ຕ່າງປະເທດ, ກອງປ້ອງກັນຕົວສາມາດນຳໃຊ້ຍົນ ແລະ ເຮືອເພື່ອນຳສົ່ງຄົນຍີ່ປຸ່ນ, ເຊິ່ງເປົ້າໝາຍນຳສົ່ງແມ່ນຄົນຍີ່ປຸ່ນ ແລະ ຄົນຕ່າງປະເທດທີ່ "ຕ້ອງການປົກປ້ອງ".
