ຈີນກັບຫວຽດນາມໄດ້ບັນລຸຄວາມຮັບຮູ້ທີ່ເປັນເອກະສັນກັນກ່ຽວກັບການກະກຽມສ້າງຕັ້ງກົນໄກໜ່ວຍງານປຶກສາຫາລືການພັດທະນາທາງທະເລຮ່ວມກັນ
(GMT+08:00) 2013-11-15 11:00:44 cri
ເພື່ອຈັດຕັ້ງປະຕິບັດຄວາມຮັບຮູ້ທີ່ເປັນເອກະສັນກັນກ່ຽວກັບການຮ່ວມກັນ ພັດທະນາແລະຮ່ວມມືທາງທະເລລະຫວ່າງຈີນກັບຫວຽດນາມທີ່ບັນລຸໃນໄລຍະທີ່ທ່ານຫລີເຄີ້ສ໋ຽງ, ນາຍົກລັດຖະມົນຕີຈີນຢ້ຽມຢາມຫວຽດນາມ ແລະກະກຽມກອງປະຊຸມຄົບຄະນະຂອງຄະນະຜູ້ແທນເຈລະຈາບັນຫາຊາຍແດນລັດຖະບານລະຫວ່າງຈີນ-ຫວຽດນາມທີ່ຈະຈັດຂຶ້ນໃນໄວໆນີ້, ທ່ານຢີ້ຊ່ຽນຫລຽງ, ຮອງຫົວໜ້າກົມວຽກງານຊາຍແດນແລະທະເລກະຊວງການຕ່າງປະເທດຈີນກັບທ່ານເຈິນດຸຍຫາຍ, ຮອງຫົວໜ້າກໍາມາທິການຊາຍແດນແຫ່ງຊາດກະຊວງການຕ່າງປະເທດຫວຽດນາມໄດ້ຈັດກອງປະຊຸມປຶກສາຫາລືວຽກງານຢູ່ນະຄອນຫລວງຮາໂນ້ຍຂອງຫວຽດນາມໃນວັນທີ 14 ພະຈິກນີ້, ສອງຝ່າຍໄດ້ບັນລຸຄວາມຮັບຮູ້ທີ່ເປັນເອກະສັນກັນກ່ຽວກັບການສ້າງຕັ້ງກົນໄກແລະຂອບຂອງໜ່ວຍງານປຶກສາຫາລືການຮ່ວມກັນພັດທະນາແລະຮ່ວມມືທາງທະເລຈີນ-ຫວຽດນາມ ແລະວຽກງານອື່ນໆທີ່ກ່ຽວຂ້ອງ.
