ການຈອດລົດຜິດກົດຈະລາຈອນຢູ່ນະຄອນຫລວງຈາກາຕາຂອງອິນໂດເນເຊຍຈະຖືກຍຶດເອົາປ້າຍລົດ
(GMT+08:00) 2013-11-15 11:23:27 cri
ຍ້ອນວ່າບັນຫາການຈອດລົດແບບຜິດກົດຈະລາຈອນຢູ່ນະຄອນຫລວງຈາກາຕາຂອງອິນໂດເນເຊຍນັບມື້ນັບຮ້ານແຮງຂຶ້ນ, ເມື່ອບໍ່ດົນມານີ້, ອົງການປົກຄອງທ້ອງຖິ່ນໄດ້ຕັດສິນໃຈຈະຍຶດເອົາປ້າຍລົດຂອງລົດຍົນທີ່ຈອດຜິດກົດຈະລາຈອນ.
ນັບຕັ້ງແຕ່ວັນທີ 12 ພະຈິກນີ້ເປັນຕົ້ນມາ, ເຈົ້າໜ້າທີ່ໄດ້ຍຶດເອົາປ້າຍລົດທີ່ຈອດຜິດກົດຈະລາຈອນ 206 ປ້າຍ, ເຈົ້າຂອງລົດຕ້ອງໄປຈ່າຍເງິນປັບໃໝຢູ່ກົມຕໍາຫລວດທີ່ຢູ່ໃກ້ຄຽງ ແລ້ວໄປເອົາປ້າຍລົດຢູ່ກົມຄຸ້ມຄອງການຈະລາຈອນ. ເງິນປັບໃໝອາດຈະສູງເຖິງ 5 ແສນຣູເປຍອິນໂດເນເຊຍ ເທົ່າກັບປະມານ 43 ໂດລາ.
