ນັກທ່ອງທ່ຽວຍີ່ປຸ່ນຖືກກັກຕົວຍ້ອນເຈດຕະນານຳສົ່ງຢາເສບຕິດອອກຈາກຈີນ
(GMT+08:00) 2013-11-16 14:09:26 cri
ວັນທີ 15 ພະຈິກນີ້ ຢູ່ທີ່ນະຄອນຫຼວງປັກກິ່ງ, ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນ ກ່າວວ່າ: ຕາກູມາ ຊາກູຣາກີ, ນັກທ່ອງທ່ຽວສັນຊາດຍີ່ປຸ່ນຖືກອົງການປ້ອງກັນຄວາມສະຫງົບຂອງຈີນກັກຕົວໄວ້ ຍ້ອນເຈດຕະນານຳສົ່ງຢາເສບຕິດອອກຈາກສະໜາມບິນໄປຢຸນ ນະຄອນກວາງໂຈ່ວຈີນ, ປັດຈຸບັນຖືກກົກຕົວໄວ້ຢູ່ສະຖານທີ່ຄວບຄຸມຜູ້ຕ້ອງສົງໄສ ແຂວງກວາງຕຸ້ງ.
ທ່ານຫົງເຫຼີຍ ກ່າວວ່າ: ອົງການປ້ອງກັນຄວາມສະຫງົບຂອງຈີນ ໄດ້ແຈ້ງສະພາບດັ່ງກ່າວໃຫ້ສະຖານກົງສຸນຍີ່ປຸ່ນປະຈຳນະຄອນກວາງໂຈ່ວໄດ້ຊາບຢ່າງທັນການ, ຝ່າຍຍີ່ປຸ່ນໄດ້ສົ່ງເຈົ້າໜ້າທີ່ກົງສຸນໄປພົບກັບ ຕາກູມາ ຊາກູຣາກີ ແລ້ວ. ປັດຈຸບັນກຳລັງສືບສວນ-ສອບສວນຄະດີດັ່ງກ່າວໃຫ້ລະອຽດຕື່ມອີກ.
