ປະຊາຄົມໂລກຕີລາຄາຢ່າງຕັ້ງໜ້າຕໍ່ "ຂໍ້ຕົກລົງຂອງສູນກາງພັກກອມມູນິດຈີນກ່ຽວກັບບັນຫາສຳຄັນຈຳນວນໜຶ່ງໃນການລົງເລິກການປະຕິຮູບຢ່າງຮອບດ້ານ"
ພາຍຫຼັງໄດ້ເຜີຍແຜ່ "ຂໍ້ຕົກລົງຂອງສູນກາງພັກກອມມູນິດຈີນກ່ຽວກັບບັນຫາສຳຄັນຈຳນວນໜຶ່ງໃນການລົງເລິກການປະຕິຮູບຢ່າງຮອບດ້ານ" ກໍໄດ້ຮັບຄວາມເອົາໃຈໃສ່ໃນລະດັບສູງຈາກປະຊາຄົມໂລກ. ຫາງສຽງເຫັນວ່າ, ເອກະສານທີ່ສຳຄັນສະບັບນີ້ໄດ້ສະແດງໃຫ້ເຫັນວ່າ, ການປະຕິຮູບຂອງຈີນໃນຄັ້ງນີ້ມີຄວາມເລິກເຊິ່ງແລະກວ້າງຂວາງທີ່ບໍ່ເຄີຍມີມາກ່ອນ, ແມ່ນແຜນການທີ່ລົງເລິກການປະຕິຮູບຢ່າງຮອບດ້ານ.
ທົ່ວໂລກເຫັນໂດຍທົ່ວໄປວ່າ, ໃນ "ຂໍ້ຕົກລົງ" ໄດ້ມີຫົວຂໍ້ທີ່ກວ້າງຂວາງ. ຂ່າວສານລອຍເຕີ ອັງກິດ ກ່າວວ່າ, ເອກະສານສະບັບນີ້ໄດ້ກ່າວເຖິງການປະຕິຮູບໃນຫຼາຍຂົງເຂດ, ເຊິ່ງລວມທັງການປະຕິຮູບດ້ານອົງປະກອບ ເຊັ່ນ: ເລັ່ງລັດຊຸກຍູ້ບັນຊີທຶນຕະກຸນເງິນຢວນໃຫ້ສາມາດແລກປ່ຽນໄດ້ຢ່າງເສລີ, ຊຸກຍູ້ການຫັນເປັນຕົວເມືອງ ແລະ ການເຊື່ອມໂຍງເຂົ້າກັນລະຫວ່າງຕົວເມືອງກັບຊົນນະບົດ, ນອກນີ້, ກໍໄດ້ໃຫ້ຄຳຕອບກ່ຽວກັບບັນຫາທາງສັງ ຄົມ ເຊັ່ນ ເກັບພາສີອາກອນຕໍ່ຊັບພະຍາກອນທຳມະຊາດເປັນຕົ້ນ.
ໜັງສືພິມ "ເດີວອນສະຕຼິດລາຍວັນ" ຂອງອາເມລິກາໄດ້ພິມບົດຄວາມໂດຍຂຽນວ່າ, "ຂໍ້ຕົກລົງ" ສະບັບນີ້ໄດ້ປະກາດຍິ່ງລະອຽດຫຼາຍ, ໄດ້ວາງແຜນການປະຕິຮູບທີ່ຍິ່ງໃຫຍ່, ເພື່ອຮັບມືກັບບັນຫາຕົ້ນຕໍທີ່ຈີນປະເຊີນໃນປັດຈຸບັນ, ເຊັ່ນ: ການເຕີບໂຕຊ້າລົງ, ຄວາມຫຼຸດໂຕນກັນລະຫວ່າງຄວາມທຸກຍາກກັບຄວາມຮັ່ງມີຂະຫຍາຍວົງກວ້າງອອກ, ການມົນລະພິດສິ່ງແວດລ້ອມ ແລະອື່ນໆ.
ສື່ມວນຊົນຕົ້ນຕໍຂອງເຢຍລະມັນຫຼາຍແຫ່ງ ເຊັ່ນ "ໜັງສືພິມເດີບິວ", "ໂຟຄຸສ" ແລະ "ວາລະສານເດີເຈີເມນມີເຣີລາຍສັບປະດາ" ເປັນຕົ້ນ ກໍໄດ້ລາຍງານຢ່າງເລິກເຊິ່ງຕໍ່ເນື້ອໃນດ້ານຕ່າງໆຂອງ "ຂໍ້ຕົກລົງຂອງສູນກາງພັກກອມມູນິດຈີນກ່ຽວກັບບັນຫາສຳຄັນຈຳນວນໜຶ່ງໃນການລົງເລິກການປະຕິຮູບຢ່າງຮອບດ້ານ". ໂທລະພາບຂ່າວເຢຍລະມັນ ເຫັນວ່າ, ຈີນພວມທຳການກະກຽມເພື່ອອະນາຄົດ, ພັກກອມມູນິດຈີນຈະບັນລຸການຫັນປ່ຽນຄັ້ງໃໝ່ ໂດຍຜ່ານການປະຕິຮູບທາງສັງຄົມຢ່າງກວ້າງຂວາງ.
ເຄືອຂ່າຍຂ່າວສານໂທລະພາບແຄເບິນອາເມລິກາ ຫຼື CNN, ໜັງສືພິມນິວຢອກເທມສ໌ ຂອງອາເມລິກາ, ບໍລິສັດກະຈາຍສຽງອັງກິດ ຫຼື BBC, ຂ່າວສານລູຊາ ເຊິ່ງແມ່ນຂ່າວສານແຫ່ງຊາດປອກຕຸຍການ, ໜັງສືພິມເລີມູນເດີ ຂອງຝຣັ່ງ ແລະອື່ນໆ ໄດ້ໃຫ້ຄວາມສົນໃຈຕໍ່ການຍົກເລີກລະບຽບການສຶກສາໂດຍຜ່ານການອອກແຮງງານ ທີ່ລະບຸໄວ້ໃນ "ຂໍ້ຕົກລົງ" ດັ່ງກ່າວ, ໂດຍເຫັນວ່າ ນີ້ແມ່ນມາດຕະການທີ່ສຳຄັນແລະຄວາມກ້າວໜ້າຂອງຈີນໃນການບູລະນະລະບຽບການດ້ານຕຸລາການໃຫ້ສົມບູນຂຶ້ນ.
