ທ່ານເອໂມມາລີ ຣັກມອນ ສາບານຕົວຂຶ້ນຮັບຕຳແໜ່ງປະທານາທິບໍດີຕາຊີກີສະຖານ
ພາຍຫຼັງໄດ້ຮັບການເລືອກຕັ້ງເປັນປະທານາທິບໍດີຕາຊີກີສະຖານຊຸດໃໝ່ຕື່ມອີກວາລະໜຶ່ງ, ທ່ານເອໂມມາລີ ຣັກມອນ ໄດ້ສາບານຕົວຂຶ້ນຮັບຕຳແໜ່ງປະທານາທິບໍດີຕາຊີກີສະຖານໃນວັນທີ 16 ພະຈິກນີ້ ຢູ່ນະຄອນຫຼວງດູຊັນເບ, ແລະໄດ້ໃຫ້ຄຳໝັ້ນສັນຍາວ່າຈະພະຍາຍາມຫຼຸດອັດຕາຜູ້ທຸກຍາກໃຫ້ຕ່ຳລົງຕື່ມອີກ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ ໃນອາຍຸຕຳແໜ່ງ 7 ປີຕໍ່ໄປນີ້.
ຕາຊີກີສະຖານ ໄດ້ຈັດການເລືອກຕັ້ງປະທານາທິບໍດີ ໃນວັນທີ 6 ພະຈິກນີ້, ເຊິ່ງມີ 6 ຄົນສະໝັກຮັບເລືອກຕັ້ງ. ອີງຕາມຜົນສະຖິຕີສຸດທ້າຍທີ່ຄະນະກຳມະການການເລືອກຕັ້ງແລະການປ່ອນບັດທົ່ວປວງຊົນສູນກາງຕາຊີກີສະຖານ ປະກາດ, ທ່ານ ຣັກມອນ ໄດ້ຮັບໄຊຊະນະໃນການເລືອກຕັ້ງດ້ວຍຜົນໄດ້ບັດ 84,23% ແລະ ໄດ້ຮັບການເລືອກຕັ້ງເປັນປະທານາທິບໍດີຕາຊີກີສະຖານຊຸດໃໝ່ຕື່ມອີກວາລະໜຶ່ງ. ນີ້ແມ່ນທ່ານຣັກມອນດຳລົງຕຳແໜ່ງປະທານາທິບໍດີຕາຊີກີສະຖານສະໄໝທີ 4 ຢ່າງລຽນຕິດ.
