ລັດຖະບານລີບີກ່າວວ່າ ຈຳນວນຜູ້ເສຍຊີວິດໄດ້ເພີ່ມຂຶ້ນເປັນ 40 ຄົນໃນເຫດການຜູ້ປະທ້ວງຖືກຫຼອນໂຈມຕີ
(GMT+08:00) 2013-11-17 15:22:29 cri
ວັນທີ 16 ພະຈິກນີ້, ທ່ານຊາລາ ມາການີ, ລັດຖະມົນຕີວ່າການກະຊວງຍຸດຕິທຳລີບີ ກ່າວວ່າ: ຈຳນວນຜູ້ເສຍຊີວິດໃນເຫດການທະຫານລາດປະກອບອາວຸດຫຼອນໂຈມຕີຜູ້ປະທ້ວງຢູ່ນະຄອນຫຼວງຕຼີໂປລີ ໄດ້ເພີ່ມຂຶ້ນເປັນ 40 ຄົນ ແລະຍັງອາດຈະເພີ່ມຂຶ້ນອີກ.
ນອກນີ້ຂ່າວແຈ້ງວ່າ, ອົງການທະຫານລາດມີສຣາຕາທີ່ເປັນຜູ້ຫຼອນໂຈມຕີຜູ້ປະທ້ວງ ໄດ້ປະທະກັນກັບກອງທັບແຫ່ງຊາດລີບີຢູ່ນະຄອນຫຼວງຕຼີໂປລີ, ເຮັດໃຫ້ມີ 1 ຄົນເສຍຊີວິດ, 8 ຄົນບາດເຈັບ.
