ອາຊຽນໄດ້ລື່ນກາຍອາເມລິກາ ກາຍເປັນຄູ່ການຄ້າໃຫຍ່ທີ່ສຸດຂອງແຂວງເສສວນຂອງຈີນ
ວັນທີ 18 ພະຈິກນີ້, ດ່ານພາສີນະຄອນເສີງຕູ່ແຂວງເຊສວນຂອງຈີນລາຍງານວ່າ, ຕາມສະຖິຕິຫລ້າສຸດ, ໃນ 10 ເດືອນທໍາອິດຂອງປີນີ້, ຍອດມູນຄ່າການຄ້າສອງຝ່າຍລະຫວ່າງແຂວງເສສວນຂອງຈີນກັບອາຊຽນໄດ້ເພີ່ມຂຶ້ນຢ່າງວ່ອງໄວ, ອາຊຽນໄດ້ລື່ນກາຍອາເມລິກາ ກາຍເປັນຄູ່ການຄ້າໃຫຍ່ທີ່ສຸດຂອງແຂວງເສສວນຂອງຈີນ.
ສະຖິຕິຂອງດ່ານພາສີນະຄອນເສີງຕູ່ສະແດງໃຫ້ເຫັນວ່າ, ໃນເດືອນມັງກອນຫາເດືອນຕຸລາປີນີ້, ຍອດມູນຄ່າການຄ້າສອງຝ່າຍລະຫວ່າງແຂວງເສສວນຂອງຈີນກັບອາຊຽນໄດ້ບັນລຸເຖິງ 9 ຕື້ 310 ລ້ານໂດລາ, ເພີ່ມຂຶ້ນ 32,5% ເຊິ່ງກວມເອົາ 18.1% ຂອງຍອດມູນຄ່າການຄ້າຕ່າງປະເທດທົ່ວແຂວງເສສວນ.
ການວິເຄາະຂອງດ່ານພາສີຂອງນະຄອນເສີງຕູ່ເຫັນວ່າ, ພາຍໃຕ້ເບື້ອງຫລັງທີ່ການຄ້າຕ່າງປະເທດຂອງອົງກອນເສດຖະກິດຕົ້ນຕໍທີ່ພັດທະນາແລ້ວ ເຊັ່ນເອີຣົບ, ອາເມລິກາ, ຍີ່ປຸ່ນ ແລະອື່ນໆໄດ້ຫລຸດຕໍ່າລົງ, ການຄ້າລະຫວ່າງແຂວງເສສວນກັບອາຊຽນໄດ້ຮັກສາທ່າອ່ຽງຂະຫຍາຍຕົວທີ່ໄວວາສົມຄວນ ເຊິ່ງໄດ້ສະແດງໃຫ້ເຫັນວ່າ "ຍຸດທະສາດທິດໃຕ້" ທີ່ແຂວງເສສວນດໍາເນີນໃນຫລາຍປີມານີ້ ເພື່ອເປີດກວ້າງການເປີດປະຕູໄດ້ຮັບໝາກຜົນຢ່າງເດັ່ນຊັດ. ສ່ວນປະເພດການຄ້າ, ສິນຄ້າການຄ້າຕົ້ນຕໍລະຫວ່າງແຂວງເສສວນກັບອາຊຽນແມ່ນຜະລິດຕະພັນກົນຈັກ, ເອເລັກໂຕຼນິກ, ຜະລິດຕະພັນເຕັກນິກສູງ ແລະອື່ນໆ.
