ນາຍົກຍີ່ປຸ່ນຢ້ຽມຢາມລາວ
(GMT+08:00) 2013-11-18 10:56:42 cri
ໂດຍຕອບສະໜອງຕາມການເຊີນຂອງທ່ານທອງສິງ ທຳມະວົງ ນາຍົກລັດຖະມົນຕີລາວ, ທ່ານຊິນໂຈະ ອາເບ ນາຍົກລັດຖະມົນຕີຍີ່ປຸ່ນໄດ້ນຳພາຄະນະໄປຢ້ຽມຢາມລາວຢ່າງເປັນທາງການໃນວັນທີ 17 ພະຈິກນີ້, ແລະໄດ້ພົບປະເຈລະຈາກັບທ່ານທອງສິງ ທຳມະວົງ ນາຍົກລັດຖະມົນຕີລາວ.
ໃນການເຈລະຈາ, ສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບແຜນການຊ່ອຍເຫຼືອແລະຮ່ວມມືໃນຕໍ່ໜ້າ, ຕົວຢ່າງຄື: ເງິນກູ້ດອກເບ້ຍຕ່ຳໃນການຫຼຸດຜ່ອນຄວາມທຸກຍາກ,ໂຄງການຂະຫຍາຍສ້າງອາຄານໂດຍສານຂອງສະໜາມບິນສາກົນວັດໄຕນະຄອນຫຼວງວຽງຈັນໄລຍະ 3, ວຽກງານເກັບກູ້ລູກລະເບີດບໍ່ທັນແຕກທີ່ຕົກຄ້າງມາແຕ່ສະໄໝສົງຄາມ ແລະວຽກງານອອກແບບກໍ່ສ້າງຂົວເຊກອງ. ສັນຍາຮ່ວມມື 4 ສະບັບດັ່ງກ່າວຈະລົງລາຍເຊັນໃນກອງປະຊຸມສຸດຍອດອາຊຽນ-ຍີ່ປຸ່ນທີ່ຈັດຂຶ້ນຢູ່ໂຕກຽວໃນເດືອນທັນວາປີນີ້.
ນອກນີ້ ຝ່າຍລາວຍັງປະກາດວ່າ ຈະຍົກເລີກວິຊາຕໍ່ໜັງສືເດີນທາງລັດຖະການຂອງຍີ່ປຸ່ນ ແລະເຫັນດີຈະເປີດຫ້ອງການຜູ້ຕາງໜ້າອົງການການຄ້າສາກົນຂອງຍີ່ປຸ່ນຢູ່ວຽງຈັນໃນໄລຍະມໍ່ໆນີ້.
ໃນການເຈລະຈາ, ສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບແຜນການຊ່ອຍເຫຼືອແລະຮ່ວມມືໃນຕໍ່ໜ້າ, ຕົວຢ່າງຄື: ເງິນກູ້ດອກເບ້ຍຕ່ຳໃນການຫຼຸດຜ່ອນຄວາມທຸກຍາກ,ໂຄງການຂະຫຍາຍສ້າງອາຄານໂດຍສານຂອງສະໜາມບິນສາກົນວັດໄຕນະຄອນຫຼວງວຽງຈັນໄລຍະ 3, ວຽກງານເກັບກູ້ລູກລະເບີດບໍ່ທັນແຕກທີ່ຕົກຄ້າງມາແຕ່ສະໄໝສົງຄາມ ແລະວຽກງານອອກແບບກໍ່ສ້າງຂົວເຊກອງ. ສັນຍາຮ່ວມມື 4 ສະບັບດັ່ງກ່າວຈະລົງລາຍເຊັນໃນກອງປະຊຸມສຸດຍອດອາຊຽນ-ຍີ່ປຸ່ນທີ່ຈັດຂຶ້ນຢູ່ໂຕກຽວໃນເດືອນທັນວາປີນີ້.
ນອກນີ້ ຝ່າຍລາວຍັງປະກາດວ່າ ຈະຍົກເລີກວິຊາຕໍ່ໜັງສືເດີນທາງລັດຖະການຂອງຍີ່ປຸ່ນ ແລະເຫັນດີຈະເປີດຫ້ອງການຜູ້ຕາງໜ້າອົງການການຄ້າສາກົນຂອງຍີ່ປຸ່ນຢູ່ວຽງຈັນໃນໄລຍະມໍ່ໆນີ້.
