ໄຂງານສີລະປະອາຊີຄັ້ງທີ 13 ຢູ່ນະຄອນຄຸນໝິງ
(GMT+08:00) 2013-11-19 15:27:03 cri
ຕາມຂ່າວCRI: ວັນທີ 18 ພະຈິກນີ້, ງານສີລະປະອາຊີຄັ້ງທີ 13 ໄດ້ໄຂຂຶ້ນຢູ່ນະຄອນຄຸນໝິງ, ຫົວຂໍ້ຂອງງານສີລະປະຄັ້ງນີ້ແມ່ນ "ອາຊີທີ່ມີສະເໜ່, ຈີນທີ່ມີວັດທະນະທຳ, ແຂວງຢຸນໜານທີ່ມີຫຼາກຫຼາຍສີສັນ, ເມືອງລະດູໃບໄມ້ປົ່ງທີ່ສວຍງາມ".
ກຳປູເຈຍ, ອິນໂດເນເຊຍ, ສິງກະໂປ, ຫວຽດນາມ, ສີລັງກາ, ເນປານ, ສ.ປ.ປເກົາຫຼີແລະອື່ນໆທັງໝົດ 11 ປະເທດອາຊີໄດ້ສົ່ງຄະນະສີລະປະຂອງຕົນເຂົ້າຮ່ວມກິດຈະກຳຂອງງານສີລະປະຄັ້ງນີ້. ໂດຍມີແຂກຜູ້ມີກຽດແລະຜູ້ຕາງໜ້າຕ່າງໆຂອງຫຼາຍປະເທດ, ເຂດແຄ້ວນຢູ່ອາຊີ, ອົງການຈັດຕັ້ງສາກົນກ່ຽວຂ້ອງ, ບັນດາທູຕານຸທູດຂອງປະເທດກ່ຽວຂ້ອງປະຈຳຈີນແລະຜູ້ອື່ນໆໄດ້ເຂົ້າຮ່ວມກິດຈະກຳຕົ້ນຕໍຂອງງານສີລະປະຄັ້ງນີ້ຕາມຄຳເຊີນ.
