ຜູ້ວ່າການທະນາຄານກາງຈີນກ່າວວ່າ: ວຽກງານກຊຳລະສະສາງດ້ວຍເງິນຢວນຈີນຂ້າມຊາດຂອງມະເລເຊຍຈະໄດ້ຮັບການເພີ່ມຂຶ້ນຕື່ມອີກ
ຕາມຂ່າວCRI: ວັນທີ 18 ພະຈິກນີ້, ທ່ານໂຈ່ວສຽວຊວນ, ຜູ້ວ່າການທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນກ່າວໃນພິທີໄຂສຳນັກງານຕົວແທນທີ່ນະຄອນຫຼວງປັກກິ່ງຂອງທະນາຄານແຫ່ງຊາດມະເລເຊຍວ່າ, ວຽກງານຊຳລະສະສາງດ້ວຍເງິນຢວນຈີນຂ້າມຊາດລະຫວ່າງຈີນກັບມະເລເຊຍຈະໄດ້ຮັບການເພີ່ມຂຶ້ນຕື່ມອີກ. ວັນທີ 18 ພະຈິກນີ້, ທະນາຄານກາງຈີນກັບທະນາຄານແຫ່ງຊາດມະເລເຊຍໄດ້ເຊັນບົດບັນທຶກຄວາມເຂົ້າໃຈ, ໂດຍມີການຈັດວາງດ້ານການຈຳຂ້າມຊາດເພື່ອສະໜອງເງິ່ນຄ່ອງໃຫ້ແກ່ສະຖາບັນການເງິນ, ການຈັດວາງດັ່ງກ່າວມີຜົນດີຕໍ່ການລົງເລິກການຮ່ວມມືດ້ານການທະນາຄານລະຫວ່າງສອງປະເທດ, ເຮັດໃຫ້ຕະຫຼາດມີຄວາມໝັ້ນໃຈເພີ່ມຂຶ້ນ, ປົກປ້ອງຄວາມໝັ້ນຄົງດ້ານການທະນາຄານຂອງພາກພື້ນ.
ຂ່າວແຈ້ງວ່າ, ສຳນັກງານຕົວແທນທີ່ນະຄອນຫຼວງປັກກິ່ງຂອງທະນາຄານແຫ່ງຊາດມະເລເຊຍແມ່ນສຳນັກງານຕົວແທນແຫ່ງທີ3ທີ່ທະນາຄານແຫ່ງຊາດມະເລເຊຍໄດ້ສ້າງຕັ້ງຂຶ້ນຢູ່ຕ່າງປະເທດຖັດຈາກຢູ່ນະຄອນຫຼວງລອນດອນ, ຂອງອັງກິດແລະນະຄອນນິວຢອກຂອງອາເມລິກາ.
