ທະນາຄານໂລກໃຫ້ເງິນກູ້ຢືມດ່ວນ 5 ຮ້ອຍລ້ານໂດລາແກ່ຟີລິບປິນເພື່ອສະໜັບສະໜູນການສ້າງສາຄືນໃໝ່ຫຼັງໄພພິບັດ
(GMT+08:00) 2013-11-19 15:32:13 cri
ຕາມຂ່າວCRI: ວັນທີ 18 ພະຈິກນີ້, ທະນາຄານໂລກປະກາດວ່າຈະໃຫ້ເງິນກູ້ຢືມຈຳນວນ 5 ຮ້ອຍລ້ານໂດລາຢ່າງຮີບດ່ວນແກ່ຟີລິບປິນ, ແລະຈັດວາງໃຫ້ນັກຊ່ຽວຊານຜູ້ຄຸ້ມຄອງໄພພິບັດທົ່ວໂລກໄປຊ່ວຍເຫຼືອປະຊາຊົນຟີລິບປິນສ້າງສາເຮືອນບ້ານຄືນໃໝ່ຫຼັງຈາກໄດ້ຮັບຜົນເສຍຫາຍຈາກ ພາຍຸໃຕ້ຝຸ່ນ " ໄຮຢ້ຽນ".
ທະນາຄານໂລກໃຫ້ການກູ້ຢືມເງິນຄັ້ງນີ້ແມ່ນອີງຕາມຄວາມຮຽກຮ້ອງຂອງລັດຖະບານຟີລິບປິນ. ຂ່າວແຈ້ງວ່າ, ໜ່ວຍວິຊາການຂອງທະນາຄານໂລກໜ່ວຍໜຶ່ງຫາກໍ່ເດີນທາງໄປຮອດຟີລິບປິນ, ເພື່ອຊ່ວຍເຫຼືອລັດຖະບານຟີລິບປິນ , ປະເມີນສະພາບການເສຍຫາຍແລະເກັບກຳຂໍ້ມູນລະອຽດເພື່ອວາງແຜນການສ້າງສາຄືນໃໝ່ຢ່າງຮອບດ້ານ.
ທະນາຄານໂລກໃຫ້ການກູ້ຢືມເງິນຄັ້ງນີ້ແມ່ນອີງຕາມຄວາມຮຽກຮ້ອງຂອງລັດຖະບານຟີລິບປິນ. ຂ່າວແຈ້ງວ່າ, ໜ່ວຍວິຊາການຂອງທະນາຄານໂລກໜ່ວຍໜຶ່ງຫາກໍ່ເດີນທາງໄປຮອດຟີລິບປິນ, ເພື່ອຊ່ວຍເຫຼືອລັດຖະບານຟີລິບປິນ , ປະເມີນສະພາບການເສຍຫາຍແລະເກັບກຳຂໍ້ມູນລະອຽດເພື່ອວາງແຜນການສ້າງສາຄືນໃໝ່ຢ່າງຮອບດ້ານ.
