ລັດຖະມົນຕີການຕ່າງປະເທດອາເມລິກາຫລຸດຄວາມຫວັງຕໍ່ການເຈລະຈາບັນຫານິວເຄຼຍຂອງອີຣານ
ວັນທີ 18 ພະຈິກນີ້, ທ່ານຈອນ ເຄຣີ, ລັດຖະມົນຕີວ່າການກະຊວງການຕ່າງປະເທດອາເມລິກາກ່າວວ່າ, ຕົນເອງບໍ່ມີຄວາມ"ການຄາດຄະເນທີ່ຈະແຈ້ງ"ຕໍ່ການເຈລະຈາຮອບໃໝ່ລະຫວ່າງອີຣານກັບ 6 ປະເທດທີ່ກ່ຽວຂ້ອງກັບບັນຫານິວເຄຼຍຂອງອີຣານທີ່ຈະຈັດຂຶ້ນຢູ່ນະຄອນເຊີແນວຂອງສະວິສ.
ຫລັງຈາກໄດ້ພົບປະກັບທ່ານອາມາດ ດາວູໂຕກລູ, ລັດຖະມົນຕີວ່າການກະຊວງການຕ່າງປະເທດຕວກກີທີ່ກໍາລັງຢ້ຽມຢາມອາເມລິກາຢູ່ກະຊວງການຕ່າງປະເທດອາເມລິກາ, ທ່ານເຄຣີໃຫ້ສໍາພາດຕໍ່ນັກຂ່າວວ່າ, ຝ່າຍຕ່າງໆຈະທໍາຄວາມພະຍາຍາມເພື່ອບັນລຸ"ສັນຍາເບື້ອງຕົ້ນ", ຫວັງວ່າອີຣານຈະເຂົ້າໃຈຄວາມສໍາຄັນຂອງການກະກຽມການບັນລຸສັນຍາສະບັບໜຶ່ງທີ່ມີຈຸດປະສົງຄືຢັ້ງຢືນລັກສະນະສັນຕິພາບຂອງແຜນການນິວເຄຼຍຂອງຕົນຕໍ່ໂລກ.
6 ປະເທດທີ່ກ່ຽວຂ້ອງກັບບັນຫານິວເຄຼຍອີຣານກໍາລັງທໍາຄວາມພະຍາຍາມເພື່ອໃຫ້ອີຣານຍຸດຕິໂຄງການນິວເຄຼຍຈໍານວນໜຶ່ງເພື່ອໃຫ້ປະເທດຝ່າຍຕາເວັນຕົກຜ່ອນຄາຍມາດຕະການລົງໂທດ ແລ້ວບັນລຸສັນຍາຮອບດ້ານສະບັບໜຶ່ງໂດຍຜ່ານການເຈລະຈາ. ການດໍເຈລະຈາລະຫວ່າງສອງຝ່າຍທີ່ຈັດຂຶ້ນຢູ່ນະຄອນເຊີແນວໃນວັນທີ 7 ຫາວັນທີ 9 ພະຈິກນີ້ຍັງບໍ່ທັນໄດ້ບັນລຸສັນຍາໃດໆ. ຝ່າຍຕ່າງໝເຫັນດີຈະສືບຕໍ່ຈັດການເຈລະຈາໃນວັນທີ 20 ພະຈິກນີ້ຕື່ມອີກ.
