ສື່ມວນຊົນອິນໂດເນເຊຍລາຍງານວ່າ ຈີນເພີ່ມທະວີຄວາມປອດໄພຂອງປະເທດແມ່ນຖືກຕາມສະພາບຄວາມເປັນຈິງ
ວັນທີ 19 ພະຈິກນີ້, ໜັງສືພິມກົວຈີ້ຢື້ປ້າວທີ່ເປັນສື່ມວນຊົນພາສາຈີນໃຫຍ່ທີ່ສຸດຂອງອິນໂດເນເຊຍລາຍງານວ່າ, ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກກອມມູນິດຈີນໄດ້ຕົກລົງສ້າງຕັ້ງ"ຄະນະກໍາມະການຄວາມປອດໄພແຫ່ງຊາດ" ແມ່ນຖືກຕາມສະພາບຄວາມເປັນຈິງ, ບໍ່ມີບ່ອນໃດສາມາດຕໍານິໄດ້.
ການວິຈານເຫັນວ່າ, ເພື່ອປ້ອງກັນຄວາມປອດໄພແຫ່ງຊາດແລະປະຊາຊົນ, ຈີນໄດ້ສ້າງຕັ້ງ"ຄະນະກໍາມະການຄວາມປອດໄພແຫ່ງຊາດ"ທີ່ເປັນອົງການທີ່ຫລາຍປະເທດໃນໂລກເຄີຍມີມາກ່ອນແລ້ວ , ນີ້ເປັນທ່າອ່ຽງຂອງສາກົນ, ແຕ່ວ່າການໄປຕາມທ່າອ່ຽງສາກົນຂອງຈີນໄດ້ເຮັດໃຫ້ສື່ມວນຊົນຂອງປະເທດຝ່າຍຕາເວັນຕົກເກີດມີຄວາມຂຸນເຄືອງຂຶ້ນແລະຖືເລື່ອງນີ້ເປັນສິ່ງປະຫລາດ. ການວິຈານຊີ້ອອກວ່າ, ການສ້າງຕັ້ງ"ຄະນະກໍາມະການຄວາມປອດໄພແຫ່ງຊາດ"ແມ່ນເພື່ອຄວາມໝັ້ນຄົງຂອງສັງຄົມຈີນ, ນີ້ບໍ່ພຽງແຕ່ມີຜົນດີຕໍ່ຄວາມຜາສຸກຂອງປະຊາຊົນເຜົ່າຕ່າງໆຊອງຈີນເທົ່ານັ້ນ, ຍັງມີຜົນດີຕໍ່ຄວາມໝັ້ນຄົງຂອງພາກພື້ນອາຊີປາຊິຟິກແລະສັນຕິພາບຂອງໂລກນໍາອີກ.
