ອິນໂດເນເຊຍເລັ່ງລັດການນໍາພາວິສາຫະກິດເອກະຊົນເຂົ້າຮ່ວມໂຄງການກໍ່ສ້າງພື້ນຖານໂຄງລ່າງ
ເມື່ອບໍ່ດົນມານີ້, ລັດຖະບານອິນໂດເນເຊຍເປີດເຜີຍວ່າ, ຈະດໍາເນີນການປະຕິຮູບດ້ານແຜນການການພົວພັນຄູ່ຮ່ວມມືລະຫວ່າງພາກສ່ວນລັດວິສາຫະກິດແລະວິສາຫະກິດເອກະຊົນ ເຊິ່ງມີຈຸດປະສົງເພື່ອຊຸກຍູ້ການກໍ່ສ້າງພື້ນຖານໂຄງລ່າງ, ຍົກສູງອັດຕາເຂົ້າຮ່ວມຂອງວິສາຫະກິດເອກະຊົນໃນການພົວພັນຮ່ວມມື ແລະພັດທະນາການກໍ່ສ້າງພື້ນຖານໂຄງລ່າງໂດຍອີງໃສ່ການຮ່ວມມືລະຫວ່າງພາກສ່ວນລັດວິສາຫະກິດແລະວິສາຫະກິດເອກະຊົນ.
ຫລາຍປີມານີ້, ການກໍ່ສ້າງພື້ນຖານໂຄງລ່າງໄດ້ກາຍເປັນຈຸດພົ້ນເດັ່ນຂອງການຮ່ວມມືລະຫວ່າງຈີນກັບອິນໂດເນເຊຍ. ໃນເວລາທີ່ທ່ານປະທານສີຈິ້ນຜິງໄດ້ຢ້ຽມຢາມອິນໂດເນເຊຍໃນເດືອນຕຸລາປີນີ້, ປະມຸກລັດຂອງສອງປະເທດໄດ້ເຫັນດີຈະເພີ່ມທະວີການຮ່ວມມືໃນຂົງເຂດນີ້, ສ້າງຈຸດຂະຫຍາຍຕົວໃໝ່ ແລະສະໜັບສະໜູນວສາຫະກິດຈີນເຂົ້າຮ່ວມການກໍ່ສ້າງ" 6 ແລວທາງເສດຖະກິດໃຫຍ່"ແລະການເຊື່ອມຈອດກັນຢ່າງຕັ້ງໜ້າ. ປັດຈຸບັນນີ້, ໂຄງການກໍ່ສ້າງພື້ນຖານໂຄງລ່າງຂອງຈີນຢູ່ອິນໂດເນເຊຍສ່ວນຫລາຍແມ່ນການຮັບເໝົາ, ການຮ່ວມມືພາຍໃນຂອບການພົວພັນຄູ່ຮ່ວມມືລະຫວ່າງພາກສ່ວນລັດວິສາຫະກິດແລະພາກສ່ວນເອກະຊົນຍັງບໍ່ຫລາຍ.
