ສະໜາມບິນກະເຊັນໄດ້ຟື້ນຟູການໃຫ້ບໍລິການ ການສໍາຫລວດສະຖານທີ່ເຮືອບິນຕົກຍັງບໍ່ທັນສໍາເລັດ
(GMT+08:00) 2013-11-19 19:33:40 cri
ວັນທີ 19 ພະຈິກນີ້, ກະຊວງສະພາບສຸກເສີນຂອງສາທາລະນະລັດທາທາຣ໌ສະຖານຂອງລັດເຊຍຢືນຢັນວ່າ, ຖ້ຽວບິນຂອງສະໜາມບິນທີ່ຍຸດຕິການບໍລິການຍ້ອນເຫດການເຮືອບິນຕົກໄດ້ຟື້ນຟູການໃຫ້ບໍລິການໃນຕອນຄໍ່າວັນທີ 18 ພະຈິກນີ້. ການແກ້ໄຂບັນຫາພາຍຫລັງເກີດເຫດແລະວຽກງານປອບໃຈຄອບຄົວຂອງຜູ້ເສຍຊີວິດຍັງສືບຕໍ່ດໍາເນີນຢູ່.
ວັນທີ 18 ພະຈິກນີ້, ເຈົ້າໜ້າທີ່ຂອງພາກສ່ວນທີ່ກ່ຽວຂ້ອງໄດ້ຊອກເຫັນເກັບດໍາຂອງເຮືອບິນລໍານີ້, ວັນທີ 19 ພະຈິກນີ້, ເຂົາເຈົ້າຍັງດໍາເນີນການສໍາຫລວດຢູ່ສະຖານທີ່ເກີດອຸບັດເຫດ. ຝ່າຍລັດເຊຍຍັງຈະເຊື້ອເຊີນຜູ້ຊ່ຽວຊານຂອງບໍລິສັດໂບອີງມາເຂົ້າຮ່ວມວຽກງານສໍາຫລວດສາເຫດຂອງອຸບັດເຫດຄັ້ງນີ້. ນອກນີ້, ວຽກງານຊັນນະສູດສົບຂອງຜູ້ເສຍຊີວິດໄດ້ດໍາເນີນຢ່າງຮອບດ້ານ.
