ກະຊວງການຕ່າງປະເທດຈີນຫວັງວ່າຝ່າຍຕ່າງໆທີ່ກ່ຽວຂ້ອງບັນຫານິວເຄຼຍຂອງອີຣານຈະເອົາໃຈໃສ່ຄວາມເປັນຫ່ວງເຊິ່ງກັນແລະກັນ, ຍາດແຍ່ງໃຫ້ໄດ້ຮັບຄວາມຄືບໜ້າ
ວັນທີ 19 ພະຈິກນີ້, ທ່ານຫົງເຫລີຍ, ໂຄສົກກະຊວງການຕ່າງປະເທດຈີນເປີດເຜີຍຢູ່ນະຄອນຫລວງປັກກິ່ງຂອງຈີນວ່າ, ທ່ານຫລີປາວຕົ່ງ, ລັດຖະມົນຕີຊ່ວຍວ່າການກະຊວງການຕ່າງປະເທດຈີນຈະນໍາພາຄະນະໄປເຂົ້າຮ່ວມການເຈລະຈາຮອບໃໝ່ລະຫວ່າງ 6 ປະເທດບັນຫານິວເຄຼຍຂອງອີຣານກັບອີຣານ. ທ່ານກ່າວວ່າ, ຝ່າຍຈີນຫວັງວ່າຝ່າຍຕ່າງໆຈະເອົາໃຈໃສ່ຄວາມເປັນຫ່ວງເຊິ່ງກັນແລະກັນ, ສະແຫວງຫາສິ່ງທີ່ຄືກັນແລະແກ້ໄຂສິ່ງທີ່ຕ່າງກັນ ເພື່ອໃຫ້ໄດ້ຮັບຄວາມຄືບໜ້າ, ເຮັດໃຫ້ສະຖານະການດ້ານນິວເຄຼຍຂອງອີຣານມີຄວາມໝັ້ນທ່ຽງ ແລະສ້າງເງື່ອນໄຂໃຫ້ແກ່ການແກ້ໄຂບັນຫານິວເຄຼຍຂອງອີຣານຢ່າງຮອບດ້ານ, ຍາວນານແລະເໝາະສົມ.
ຂ່າວແຈ້ງວ່າ, 6 ປະເທດບັນຫານິວເຄຼຍຂອງອີຣານກັບອີຣານໄດ້ຕົກລົງກັນຈະຈັດການເຈລະຈາຮອບໃໝ່ຢູ່ນະຄອນເຊີແນວຂອງສະວິສໃນວັນທີ 20 ຫາວັນທີ 21 ພະຈິກນີ້.
