ຢ່າງໃດກໍ່ຕາມ
(GMT+08:00) 2013-12-20 09:29:45 cri
ເນື້ອໃນດັ່ງກ່າວແມ່ນກອນບົດໜຶ່ງ ທີ່ພາດຫົວເລື່ອງວ່າ "ຢ່າງໃດກໍ່ຕາມ", ຄືມີຄວາມໝາຍວ່າ: ບໍ່ວ່າຢູ່ໃນສະພາບແນວໃດ, ກໍ່ຄວນຍຶດຖືທັດສະນະຄະຕິຂອງຕົນ, ປະຕິບັດຕໍ່ເລື່ອງບໍ່ມ່ວນໃຈທັງຫມົດໃນຊີວິດດ້ວຍຈິດໃຈທີ່ກວ້າງຂວາງທີ່ສຸດ, ໄປສະແຫວງຫາອຸດົມຄະຕິຂອງຕົນ, ຍຶດໝັ້ນຫຼັກການຂອງຕົນ, ທຳບຸນກຸສົນ, ອຸທິດຕົນແລະປະກອບສ່ວນຕົນ.
ສັງຄົມໃນຊີວິດຂອງຄົນເຮົາກໍຄືກັບຫມໍ້ນ້ຳຍ້ອມ, ມີຄົນແລະເລື່ອງຕ່າງໆນາໆແລະຄ່ານິຍົມຕ່າງໆນາໆ, ເຮົາດຳລົງຊີວິດຢູ່ໃນສັງຄົມນີ້, ຈະຖືກຜົນສະທ້ອນຈາກໂລກພາຍນອກໃນທຸກເວລາ, ແລະອາດຈະຖືກໂລກພາຍນອກປ່ຽນແປງຢ່າງງ່າຍດາຍທີ່ສຸດ, ເຮັດໃຫ້ເສຍຫຼັກການແລະອຸດົມຄະຕິຂອງຕົນ.
ມີນັກກະວີອີຕາລີຜູ້ໜຶ່ງເຄີຍເວົ້າວ່າ, ເດີນໄປຕາມເສັ້ນທາງທີ່ຕົນເອງຖືວ່າຖືກຕ້ອງ, ຜູ່ອື່ນຈະເວົ້າແນວໃດກໍຢ່າ, ຢ່າເອົາຄວາມຜິດພາດຂອງຄົນອື່ນມາລົງໂທດຕົນເອງ. ບໍ່ວ່າຜູ້ອື່ນມີກິລິຍາວາຈາແນວໃດ, ເຮົາກໍ່ຄວນຮັກສາຄວາມເມດຕາອາລີຂອງຕົນ, ເໝືອນດັ່ງຄຳກ້ອນໜຶ່ງທີ່ບໍ່ເສົ້າໝອງຈັກເທື່ອ.
ນັກປະພັນນະວະນິຍາຍອັງກິດຜູ້ໜຶ່ງກໍ່ເຄີຍເວົ້າວ່າ: ຕ້ອງມີນ້ຳໃຈໝັ້ຫນຽວ, ຕ້ອງດຸໝັ່ນ, ຕ້ອງມີໃຈເມດຕາແລະບໍ່ອ່ອນຍອມຈັກເທື່ອ, ຖະໜອມຫວງແຫນຄວາມດີຄວາມເມດຕາທີ່ພວກເຮົາພົບພໍ້ບົນເສັ້ນທາງກ້າວໄປໜ້າ, ອົດທົນແລະລົບລ້າງຄວາມຊົ່ວຮ້າຍຂອງເຮົາເອງກໍ່ຄືຂອງຜູ່ອື່ນ.
ໃນສັງຄົມປະຈຸບັນທີ່ສັບສົນແລະເຮັດໃຫ້ຄົນທັງຫຼາຍລາຍຫູລາຍຕານີ້, ຫວັງວ່າ, ທຸກຄົນກໍ່ສາມາດຮັກສາບຸກຄະລິກຂອງຕົນ, ຍຶດໝັ້ນອຸດົມຄະຕິແລະຫຼັກການຂອງຕົນເອງແລະຍຶດໝັ້ນຄຸນນະທຳອັນດີງາມໄດ້!
