ຜົນງານການຕັດເຈ້ຍຂອງວິໄລພອນແລະວິໄລວັນ
(GMT+08:00) 2014-01-14 11:27:19 cri
ຫວ່າງມໍ່ໆນີ້, ວິໄລພອນແລະວິໄລວັນໄດ້ໄປເຂົ້າຮ່ວມການບັນຍາຍແລະສາທິດສີລະປະການຕັດເຈ້ຍແບບດັ້ງເດີມຂອງຈີນ, ມ່ວນຫຼາຍ.
ສິລະປະການຕັດເຈ້ຍ ເປັນສິລະປະພື້ນເມືອງຂອງຈີນ ທີ່ມີປະຫວັດສາດມາແຕ່ດົນນານແລ້ວ, ຕາມທ່ານນາງ ຊຸ່ນເອີ້ລິງ, ສະມາຊິກສະມາຄົມສິລະປິນພື້ນເມືອງຈີນ, ສະມາຊິກສະມາຄົມຕັດເຈ້ຍຂອງຈີນ, ເຊິ່ງເປັນຜູ້ບັນຍາຍໃນມື້ນັ້ນ ແນະນຳວ່າ, ສິລະປະຕັດເຈ້ຍແບບດັ້ງເດີມຂອງຈີນມີປະຫວັດສາດເຖິງ 1500 ປີແລ້ວ. ການຕັດເຈ້ຍກໍ່ແມ່ນສິລະປະພື້ນເມືອງທີ່ໄດ້ຮັບຄວາມນິຍົມຫຼາຍທີ່ສຸດຂອງຈີນ. ເຈ້ຍຕັດແມ່ນໃຊ້ສຳລັບພິທີສາສະໜາ, ປະດັບປະດາເຮືອນແລະອື່ນໆ. ເພື່ອສະແດງຄວາມອວຍພອນແລະເປັນສີລິມົງຄຸນຕໍ່ຊີວິດ.
ແຕ່ກ່ອນ, ການຕັດເຈ້ຍແມ່ນພາກສ່ວນໜຶ່ງທີ່ຂາດບໍ່ໄດ້ໃນຊີວິດປະຈຳວັນຂອງຄົນຈີນ, ແຕ່ວ່າ, ດຽວນີ້, ຄົນທັງຫຼາຍພັດລືມມັນໄປ, ໂດຍສະເພາະໃນຕົວເມືອງ, ເກືອບບໍ່ໄດ້ເຫັນແລ້ວ. ເພື່ອປົກປັກຮັກສາສີລະປະການຕັດເຈ້ຍ, ລັດຖະບານຈີນໄດ້ຈັດມັນເຂົ້າໃນບັນຊີມໍລະດົກວັດທະນະທຳທີ່ບໍ່ແມ່ນວັດຖຸ, ແລະເບີກງົບປະມານເຂົ້າໃນການອະນຸລັກສິລະປະນີ້ເປັນພິເສດ.
ມື້ນັ້ນ, ນອກຈາກຟັງການບັນຍາຍແລ້ວ, ວິໄລວັນແລະວິໄລພອນກໍ່ຍັງໄດ້ລອງຕັດເຈ້ຍທີ່ເປັນຮູບຕ່າງໆ, ຄືໄດ້ກັບຄືນສູ່ໄລຍະຍັງເປັນນັກປະຖົມ, ມ່ວນຫຼາຍ.
1ຕັດຕາມຮູບແບບຢ່າງ
2ມີດຕັດສຳລັບການຕັດເຈ້ຍສະເພາະ, ຄົມຫຼາຍ
3ວິໄລພອນກຳລັງຕັດເຈ້ຍຢ່າງຕັ້ງອົກຕັ້ງໃຈ
