ດວງໃຈເໝືອນດັ່ງໜອງດອກບົວ, ແຫ່ງກວ້າງ ແຫ່ງບໍ່ເຫັນຂີ້ດົມ
(GMT+08:00) 2014-04-18 15:16:47 cri
ຖ້າເຮົາມີຄວາມໃຈກວ້າງ, ມີຄວາມໃຈບຸນ, ພະຍາຍາມຊ່ວຍເຫຼືອຜູ້ໃດຜູ້ໜຶ່ງໃຫ້ປະສົບຜົນສຳເລັດ, ເຮົາເອງກໍ່ຈະປະສົບຜົນສຳເລັດແບບບໍ່ຮູ້ສຶກຕົວ. ຖ້າເຮົາມີຄວາມໃຈກວ້າງ, ຈະໄດ້ຮັບຄວາມສຸກຕະຫຼອດຊີວິດ. ຄົນໃຈກວ້າງ, ຈະຍອມຮັບຈຸດອ່ອນຂອງຕົນ, ແລະກໍ່ຍອມຮັບວ່າ, ຜູ້ອື່ນບໍ່ມີພັນທະຕ້ອງສະຫຼະຕົວເອງເພື່ອລາວ, ສະນັ້ນ, ຈຶ່ງບໍ່ຫ່ອນຈະເສຍໃຈຫຼາຍເກີນໄປໃນເວລາປະສົບຄວາມຫຼົ້ມເຫຼວ. ໃຈຂອງຄົນເຮົາປຽບເໝືອນໜອງດອກບົວ, ແຫ່ງກວ້າງ ແຫ່ງບໍ່ເຫັນຂີ້ດົມ, ແຫ່ງຈະໄດ້ຮັບຄວາມສຸກຫຼາຍກວ່າ.
ທຸກຄົນ ກໍ່ຢາກມີຊີວິດທີ່ສົມບູນແບບ. ແຕ່ວ່າ, ໃນໂລກນີ້, ບໍ່ມີເລື່ອງໃດ ທີ່ສາມາດສົມບູນແບບໄດ້ທຸກຢ່າງ. ຕາເວັນພໍໄດ້ໂພ່ຂຶ້ນຮອດຈຸດກາງຂອງທ້ອງຟ້າ, ກໍ່ເລີ່ມຕົກລົງໄປທິດຕາເວັນຕົກໃນທັນທີ, ດວງຈັນພໍແຕ່ເປັ່ງແສງເຕັມດວງ, ກໍ່ເລີ່ມຈາງຫາຍໄປເທື່ອລະໜ້ອຍ. ສະນັ້ນ, ຄວາມບໍ່ຄົງທີ່ໝູນວຽນປຽນໄປຈຶ່ງແມ່ນເລື່ອງທຳມະດາ, ແລະກໍ່ແມ່ນຄວາມເປັນຈິງຂອງຊີວິດ. ທີ່ຈິງແລ້ວ, ສະພາບການທີ່ດີທີ່ສຸດກໍ່ແມ່ນ ດອກເລີ່ມບານ ແຕ່ບໍ່ທັນບານໝົດເທື່ອ, ດວງຈັນຄ່ອຍໆເຕັມ ແຕ່ຍັງບໍ່ທັນເຕັມເທື່ອ.
ໃນຊີວິດຂອງຄົນເຮົາ, ມີແຕ່ບໍ່ທະເຍີທະຍານ, ພໍໃຈໃນສິ່ງທີ່ຕົນມີ, ຈຶ່ງຈະໄດ້ຮັບຄວາມສຸກ. ຫຼືວ່າ ທ່ານວ່າແນວໃດ?
