孟子 ເປັນນັກປັດຊະຍາທີ່ມີຖານະສຳຄັນຫຼາຍ. ໃນເວລາ孟子 ຍັງເປັນເດັກນ້ອຍ, ແມ່ຂອງເພິ່ນໄດ້ຍ້າຍເຮືອນ 3 ເທື່ອ. ທຳອິດ, ເຂົາເຈົ້າພັກຢູ່ໃກ້ປ່າຊ້າ, 孟子 ທີ່ເປັນເດັກບໍ່ຮູ້ດຽງສາກໍ່ເລີ່ມຮຽນນຳຜູ້ອື່ນໄຫ້ ນົບ. ແມ່ເພິ່ນເຫັນແລ້ວ, ຕັດສິນໃຈຍ້າຍເຮືອນ. ເພິ່ນພາ孟子ຍ້າຍໄປອາໃສຢູ່ໃກ້ຕະຫຼາດ, ບໍ່ດົນ, 孟子 ເລີ່ມຮຽນການຄ້າຂາຍແລະຊອຍຊິ້ນ. ແມ່ເພິ່ນຄຶດວ່າ ບ່ອນແບບນີ້ຍັງບໍ່ແມ່ນບ່ອນທີ່ເໝາະສົມສຳລັບການສອນເດັກນ້ອຍ, ຕໍ່ມາ, ເລີຍຍ້າຍໄປໃກ້ກັບໂຮງຮຽນ, 孟子 ກໍ່ຄ່ອຍໆຄ່ຽມຄົມຂຶ້ນ, ສຸພາບຮຽບຮ້ອຍ. ແມ່ເພິ່ນເວົ້າວ່າ: ນີ້ຈຶ່ງແມ່ນບ່ອນທີ່ເໝາະສຳລັບເດັກນ້ອຍພັກເຊົາ, ຫຼັງຈາກນັ້ນ, ບໍ່ໄດ້ຍ້າຍໄປບ່ອນອື່ນອີກ.
ແມ່ຂອງ孟子 ເອົາໃຈໃສ່ນຳການສຶກສາລູກຫຼາຍ, ເມື່ອ孟子 ໃຫຍ່ຂຶ້ນແລ້ວ, ກໍ່ບໍ່ໄດ້ເຮັດໃຫ້ແມ່ຜິດຫວັງ, ໃນປະຫວັດສາດຂອງຈີນ, 孟子 ຖືກຖືເປັນນັກປັດຊະຍາທີ່ຖານະບົດບາດຖັດຈາກ ຂົງຈື້.
ເລື່ອງນີ້ບອກຄົນທັງຫຼາຍວ່າ, ດຳລົງຊີວິດໃນສະພາບແວດລ້ອມແບບໃດ ມັນສຳຄັນຫຼາຍ. ຖ້າເຈົ້າຫວັງຢາກປິນຂຶ້ນສູ່ທ້ອງຟ້າເໝືອນດັ່ງແຮ້ງ, ກໍ່ຢ່າຢູ່ນຳກັນກັບໄກ່, ຖ້າເຈົ້າຫວັງຢາກແລ່ນໄວປານໂຕສິງ, ກໍ່ຢ່າຢູ່ນຳກັນກັບໝາ. ເລື່ອງນີ້ແມ່ນມີເຫດຜົນ.
ຖ້າທ່ານຢາກກາຍເປັນຄົນສະຫຼາດ, ກໍ່ຄວນຢູ່ນຳກັນກັບຄົນສະຫຼາດ, ຖ້າທ່ານຢາກກາຍເປັນຄົນດີເດັ່ນ, ກໍ່ຄວນຢູ່ນຳກັນກັບຄົນດີເດັ່ນ, ແລ້ວກໍ່ຈະພົ້ນເດັ່ນຂຶ້ນໃນມື້ໃດມື້ໜຶ່ງ. ສຸພາສິດຈີນເວົ້າວ່າ: 物以类聚,人以群分, ມີຄວາມໝາຍວ່າ: ເຄື່ອງຂອງແບ່ງຕາມປະເພດ, ຄົນຈຳແນກຕາມກຸ່່ມ. ເບີ່ງໝູ່ຂອງຄົນຜູ້ໜຶ່ງ ກໍ່ຈະຮູ້ວ່າ ຄົນນັ້ນເປັນຄົນປະເພດໃດໂລດ. ຖານະບົດບາດຂອງຄົນຜູ້ໜຶ່ງແມ່ນຕັດສິນໂດຍໝູ່ເພື່ອນຂອງເພິ່ນ. ຜູ້ທີ່ມີໝູ່ເພື່ອນດີເດັ່ນຫຼາຍ, ຈະມີຖານະບົດບາດອ່າວສູງ, ເພາະສາເຫດທີ່ພາໃຫ້ພວກເພິ່ນເລືອກທ່ານເປັນໝູ່ເພື່ອນ ອາດຈະແມ່ນຍ້ອນທ່ານກໍ່ມີຈຸດດີຈຸດເດັ່ນຄືກັນ. ແລະຖ້າທ່ານຢູ່ນຳກັນກັບຄົນດີເດັ່ນເລື້ອຍໆ, ກໍ່ສາມາດຮຽນເອົາຈຸດດີເດັ່ນຂອງພວກເພິ່ນໄດ້, ເພີ່ມຄວາມດີເດັ່ນຂອງຕົນໄດ້, ບາງທີ ຍັງຈະນຳເອົາໂອກາດທີ່ດີໃຫ້ທ່ານກໍ່ອາດເປັນໄປໄດ້.
ຢູ່ນຳກັນກັບຄົນຕ່າງກັນ, ຈະມີຊີວິດທີ່ຕ່າງກັນ, ຄວາມຮັກ, ການສ້າງຄອບຄົວ, ວຽກງານ, ລ້ວນແຕ່ເປັນແບບນີ້. ສະນັ້ນ, ໃນເວລາຄົບຄ້າສະມາຄົມ, ທ່ານຄວນຈະໃຊ້ເວລາຄຶດໃນໃຈຢ່າງຄັກແນ່ ກ່ອນຈະຕັດສິນໃຈເລືອກ.
1 2