ທ່ານຢາງເຈສືກ່າວວ່າ, ໃນ10ປີຕໍ່ໜ້າໂອກາດສະພາບແວດລ້ອມພາຍນອກຂອງຈີນຈະຫຼາຍກວ່າສິ່ງທ້າທາຍ
(GMT+08:00) 2012-03-06 16:00:01 cri
ວັນທີ6ມີນານີ້ຢູ່ນະຄອນຫຼວງປັກກິ່ງ, ທ່ານຢາງເຈສື, ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ໃນ10ປີຂ້າງໜ້ານີ້ເງື່ອນໄຂທີ່ດີບໍ່ດີຂອງສະພາບພາຍນອກຂອງຈີນຈະສັບສົນສົມຄວນ. ໂອກາດແລະສິ່ງທ້າທາຍຈະມີຢູ່ພ້ອມກັນ, ແລະອາດຈະຫັນປ່ຽນເຊິ່ງກັນແລະກັນ.
ໃນກອງປະຊຸມຂ່າວຂອງກອງປະຊຸມຄັ້ງທີ5ຂອງສະພາປະຊາຊົນແຫ່ງຊາດຈີນຊຸດທີ11ທີ່ຈັດຂຶ້ນໃນມື້ດຽວກັນ, ທ່ານຢາງເຈສືກ່າວວ່າ, ຈີນຈະຍຶດໝັ້ນປະຕິບັດນະໂຍບາຍການຕ່າງປະເທດແຫ່ງສັນຕິພາບທີ່ເປັນເອກະລາດແລະເປັນເຈົ້າຕົນເອງ, ຍຶດໝັ້ນເດີນຕາມເສັ້ນທາງພັດທະນາໂດຍສັນຕິ, ຍຶດໝັ້ນຍຸດທະສາດເປີດປະຕູສູ່ພາຍນອກແບບຕ່າງຝາຍຕ່າງມີຜົນປະໂຍດ, ຍຶດໝັ້ນຮ່ວມກັບປະເທດຕ່າງໆສ້າງໂລກໃຫ້ກົມກຽວກັນທີ່ມີສັນຕິພາບຖາວອນ, ແລະຈະເລີນຮຸ່ງເຮືອງພ້ອມກັນ.