ທ່ານຢາງເຈສືກ່າວວ່າຊະຕາກຳຂອງຕາເວັນອອກກາງຄວນແມ່ນປະຊາຊົນຕາເວັນອອກກາງເປັນຜູ່ຕັດສິນ
(GMT+08:00) 2012-03-06 15:54:07 cri
ວັນທີ6ມີນານີ້,ຢູ່ນະຄອນຫຼວງປັກກິ່ງ,ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ,ສະຖານະການຢູ່ຕາເວັນອອກກາງພວມມີການປ່ຽນແປງສຳຄັນບາງຢ່າງ,ແຕ່ວ່າຜູ່ທີ່ຮູ້ສະພາບຂອງພາກພື້ນນີ້ຫຼາຍທີ່ສຸດແມ່ນປະຊາຊົນຕາເວັນອອກກາງ,ບັນຫາຂອງເຂດຕາເວັນອອກກາງຕົ້ນຕໍ ຄວນໃຫ້ປະຊາຊົນຕາເວັນອອກກາງແກ້ໄຂໂດຍຕົນເອງ,ຊະຕາກຳຂອງຕາເວັນອອກກາງຄວນແມ່ນປະຊາຊົນຕາເວັນອອກກາງເປັນຜູ່ຕິດສິນ.
ຢູ່ໃນກອງປະຊຸມຂ່າວຂອງກອງປະຊຸມຄັ້ງທີ5ຂອງສະພາປະຊາຊົນແຫ່ງຊາດຈີນຊຸດທີ11ທີ່ຈັດຂຶ້ນໃນວັນທີ6ມີນານີ້,ທ່ານຢາງເຈສືກ່າວວ່າ,ຈີນແລະບາງປະເທດອາຣັບບາງເທື່ອອາດຈະໃຊ້ວິທີແກ້ໄຂທີ່ແຕກຕ່າງກັນກໍ່ຕາມ,ແຕ່ສອງຝ່າຍມີເປົ້າໝາຍທີ່ເປັນເອກະພາບກັນໃນດ້ານການປົກປັກຮັກສາຄວາມໝັ້ນຄົງ,ການພັດທະນາແລະຄວາມຈະເລີນຮຸ່ງເຮືອງໂດຍລວມຢູ່ເຂດຕາເວັນອອກກາງ.ການຮ່ວມມືລະຫວ່າງສອງຝ່າຍຈີນປະເທດອາຣັບແມ່ນມີລັກສະນະຮອບດ້ານແລະມີຄວາມໝາຍທາງດ້ານຍຸດທະສາດ,ມິດຕະພາບລະຫວ່າງສອງຝ່າຍແມ່ນສາມາດຜ່ານຜ່າການທົດສອບຈາກການປ່ຽນແປງຂອງສະຖານະການ.
ກ່ຽວກັບບັນຫາຊີຣີ,ທ່ານຢາງເຈສືກ່າວວ່າ,ຫຼັກໝັ້ນ,ຈຸດຢືນແລະຂໍ້ລິເລີ່ມຂອງຈີນໂດຍສະເພາະແມ່ນການໃຫ້ສຳພາດຂອງຜູ່ຮັບຜິດຊອບຂອງກະຊວງການຕ່າງປະເທດຈີນທີ່ກ່າວໃນເມື່ອບໍ່ດົນມານີ້,ໄດ້ຮັບຄວາມສົນໃຈໂດຍທົ່ວໄປຈາກປະຊາຄົມໂລກ,ແລະໄດ້ຮັບຄວາມເຂົ້າໃຈແລະການສະໜັບສະໜູນນັບມື້ນັບຫຼາຍຂຶ້ນ.