ສື່ມວນຊົນສິງກະໂປເອົາໃຈໃສ່ກອງປະຊຸມສອງສະພາຂອງຈີນ
(GMT+08:00) 2012-03-06 14:22:48 cri
ຕາມຂ່າວCRI: ວັນທີ6ມີນານີ້, ສື່ມວນຊົນຕົ້ນຕໍຂອງສິງກະໂປໄດ້ເອົາໃຈໃສ່ໃນລະດັບສູງແລະລາຍງານຕໍ່ຂ່າວກ່ຽວກັບການດຳເນີນກອງປະຊຸມຄັ້ງທີ5ຂອງສະພາຜູ້ແທນປະຊາຊົນແຫ່ງຊາດຈີນແລະບົດລາຍງານວຽກງານລັດຖະບານທີ່ທ່ານເວີ່ນເຈຍປາວນາຍົກລັດ ຖະມົນຕີຈີນໄດ້ກ່າວລາຍງານຕໍ່ກອງປະຊຸມ.
ໜັງສືພິມ<ລຽນເຮີຈາວປ້າວ>ຂອງສິງກະໂປໄດ້ສ້າງ"ຄໍລຳ"ສະເພາະກ່ຽວ ກັບ"ກອງປະຊຸມສອງສະພາ", ເອົາໃຈໃສ່ຕິດຕາມແລະລາຍງານຂ່າວກ່ຽວກັບກອງປະຊຸມສອງສະພາຂອງຈີນຢ່າງໃກ້ຊິດ. ຈຸດສຸມລາຍງານຂ່າວວັນທີ6ມີນານີ້, ມີຫົວຂໍ້ວ່າ"ຈີນຫຼຸດລະເປົ້າໝາຍການບັນລຸການເຕີບໂຕດ້ານເສດຖະກິດ8%ເທື່ອທຳອິດໃນ8ປີຜ່ານມາ", ໄດ້ບັນລະຍາຍຕໍ່ບົດລາຍງານວຽກງານລັດຖະບາບທີ່ທ່ານເວີ່ນເຈຍປາວໄດ້ກ່າວລາຍງານຕໍ່ກອງປະຊຸມ. ໃນລາຍງານຂ່າວກ່າວວ່າ: ໃນບົດລາຍງານວຽກງານປະຈຳປີນີ້ທ່ານເວີ່ນເຈຍປາວນາຍົກລັດຖະມົນຕີຈີນໄດ້ສະເໜີວ່າ, ເປົ້າໝາຍການເຕີບໂຕດ້ານເສດຖະກິດຂອງຈີນຫຼຸດໜ້ອຍລົງເປັນ7,5%ທຸກປີ, ເພື່ອຊັກນຳໃຫ້ວຽກງານຕົ້ນຕໍຂອງຝ່າຍຕ່າງໆປຽນເປັນການຫັນປ່ຽນຮູບແບບການພັດທະນາແລະການຍົກສູງຄຸນນະພາບແລະປະສິດທິຜົນຂອງການພັດທະນາດ້ານເສດຖະກິດຢ່າງແທ້ຈິງ. ການລາຍງານຂ່າວຕີລາຄາວ່າ, ນີ້ແມ່ນຈີນໄດ້ຫຼຸດເປົ້າໝາຍການເຕີບໂຕດ້ານເສດຖະກິດ8%ຕໍ່ປີເທື່ອທໍາອິດໃນ8ປີຜ່ານມາ, ເຊິ່ງສະແດງໃຫ້ເຫັນ່ວ່າຈີນໄດ້ຕັດສິນໃຈຫຼຸດຄວາມໄວເພື່ອເພີ່ມທະວີຄຸນນະພາບດ້ານການພັດທະນາຂອງຈີນ.
ນອກນີ້, ໃນຄໍລຳສະເພາະກອງປະຊຸມສອງສະພາຂອງຈີນຂອງໜັງສືພິມ<ລຽນເຮີຈາວປ້າວ>ໃນວັນທີ6ມີນານີ້, ໄດ້ລາຍງານຂ່າວກ່ຽວກັບການປະຕິຮູບຂອງລະບົບທະນາຄານຂອງຈີນ, ການເລັ່ງລັດປະຊາທິປະໄຕແລະຫົວຂໍ້ອື່ນໆ.