ໜັງສືພິມພັກປະຊາຊົນປະຕິວັດລາວລົງພິມບົດຄວາມໂດຍເຫັນວ່າ, ນະໂຍບາຍການຕ່າງປະເທດຂອງປະເທດຢູ່ອ້ອມຂ້າງຈີນມີຜົນປະໂຫຍດຕໍ່ປະເທດທີ່ພວມພັດທະນາຢູ່ອ້ອມຂ້າງເຊິ່ງລວມທັງປະເທດລາວ
(GMT+08:00) 2012-03-07 16:56:21 cri
ວັນທີ7ມີນານີ້, ໜັງສືພິມປະຊາຊົນທີ່ເປັນສຽງຂອງສູນກາງພັກປະຊາຊົນປະຕິວັດລາວໄດ້ລົງພິມບົດຄວາມທີ່ມີຫົວຂໍ້ວ່າ"ຈີນສົ່ງເສີມໃຫ້ຂະຫຍາຍການຮ່ວມມືກັບປະເທດທີ່ກຳລັງພັດທະນາແລະປະເທດໃຫຍ່ຕ່າງໆ", ເຫັນວ່ານະໂຍບາຍການຕ່າງປະເທດກັບປະເທດອ້ອມຂ້າງຂອງຈີນມີຜົນປະໂຫຍດຕໍ່ການພັດທະນາຂອງປະເທດທີ່ພວມພັດທະນາຢູ່ອ້ອມຂ້າງ, ເຊັ່ນລາວດັ່ງນີ້ເປັນຕົ້ນ.
ບົດຄວາມໄດ້ຍົກເອົາບົດລາຍງານວຽກງານຂອງລັດຖະບານທີ່ປະກາດໂດຍທ່ານເວິ່ນເຈ່ຍປາວ, ນາຍົກລັດຖະມົນຕີຈີນມາລາຍງານວ່າ, ປີ2012ຈີນຈະສືບຕໍ່ສົ່ງເສີມລົງເລິກການພົວພັນມິດຕະພາບກັບປະເທດອ້ອມຂ້າງໃຫ້ແໜ້ນແຟ້ນຍິ່ງຂຶ້ນ, ເພີ່ມທະວີຄວາມສາມັກຄີແລະການຮ່ວມມືກັບປະເທດທີ່ກຳລັງພັດທະນາຢ່າງກວ້າງຂວາງ, ຕັ້ງໜ້າເຂົ້າຮ່ວມກົນໄກການຮ່ວມມືຕ່າງໆກັບປະເທດອ້ອມຂ້າງ, ຊຸກຍູ້ໃຫ້ການຮ່ວມມືໃນພາກພື້ນລົງສູ່ລວງເລິກ, ຮ່ວມກັນສ້າງສະພາບແວດລ້ອມສັນຕິພາບ, ສະເໝີພາບ,ແລະໄວ້ເນື້ອເຊື່ອໃຈກັນສ້າງສິ່ງແວດລ້ອມພາກພື້ນທີ່ຮ່ວມກັນໄດ້ຮັບຜົນປະໂຫຍດ. ບົດຄວາມຂຽນວ່າ, ນີ້ຈະມີຜົນດີຕໍ່ສະຖຽນລະພາບແລະການພັດທະນາພ້ອມກັນຂອງພາກພື້ນ, ນຳເອົາຜົນປະໂຫຍດມາໃຫ້ປະເທດທີ່ກຳລັງພັດທະນາຢູ່ອ້ອມຂ້າງ, ເຊັ່ນປະເທດລາວເປັນຕົ້ນ.