ທ່ານເສິນເຕິໝິງຕອບຄຳຖາມຂອງນັກຂ່າວໃນກອງປະຊຸມຂ່າວຂອງກອງປະຊຸມຄັ້ງທີ5ຂອງສະພາປະຊາຊົນແຫ່ງຊາດຈີນຊຸດທີ11ທີ່ຈັດຂຶ້ນໃນຕອນເຊົ້າວັນທີ7ມີນານີ້
ໃນກອງປະຊຸມຂ່າວຂອງກອງປະຊຸມຄັ້ງທີ5ຂອງສະພາປະຊາຊົນແຫ່ງຊາດຈີນຊຸດທີ11, ທ່ານເສີນເຕີໝີງ, ລັດຖະມົນຕີວ່າການກະຊວງການຄ້າຈີນກ່າວວ່າ, ລັດຖະບານຈີນບໍ່ໄດ້ໃຫ້ເງິນອຸດໜູນແກ່ການນຳເຂົ້າແລະສົ່ງອອກສິນຄ້າ, ເມື່ອບໍ່ດົນມານີ້, ລັດຖະສະພາອາເມລິກາໄດ້ຮັບຮອງຍັດຕິ, ໂດຍມອບສິດໃຫ້ກະຊວງການຄ້າອາເມລິກາເກັບອາກອນຕ້ານເງິນອຸດໜູນຕໍ່ປະເທດທີ່ບໍ່ມີຖານະທາງເສດຖະກິດຕະຫຼາດເຊິ່ງລວມທັງຈີນ, ນີ້ບໍ່ສອດຄ່ອງກັບລະບຽບການສາກົນແລະກົດໝາຍພາຍໃນປະເທດອາເມລິກາ.
ທ່ານເສີນເຕີໝີງກ່າວວ່າ, ຈີນປະຕິບັດຕາມລະບຽບການຂອງອົງການຈັດຕັ້ງສາກົນທີ່ຈີນເຂົ້າຮ່ວມ, ແຕ່ບໍ່ມີພັນທະໃນການເຄົາລົບກົດໝາຍແລະຂໍ້ກຳນົດພາຍໃນຂອງບາງປະເທດທີ່ປະຕິບັດເກີນຂອບເຂດລະບຽບການຂອງອົງການຈັດຕັ້ງສາກົນເຫຼົ່ານີ້. ຈີນຢາກຈະສົນທະນາກັບປະເທດທີ່ວິຈານຈີນກ່ຽວກັບບັນຫາເງິນອຸດໜູນ, ແລກປ່ຽນຄຳຄິດຄຳເຫັນກ່ຽວກັບບັນຫາທີ່ຄົງຄ້າງໃນບັນຫາເງິນອຸດໜູນ.
© China Radio International.CRI. All Rights Reserved. 16A Shijingshan Road, Beijing, China. 100040 |