ຈີນຈະປະກາດໃຊ້ລາຍລະອຽດການປະຕິບັດຂອງ"ການພັດທະນາທຸລະກິດໄປສູ່ຕ່າງປະເທດ"ສຳລັບວິສາຫະກິດເອກະຊົນໂດຍໄວ
(GMT+08:00) 2012-03-08 13:15:46 cri
ຕາມຂ່າວCRI: ວັນທີ7ມີນານີ້, ທ່ານຈຽງຈຶງເວີຍລັດຖະມົນຕີຊ່ວຍວ່າການກະຊວງການຄ້າຈີນກ່າວວ່າ, ລັດຖະບານໄດ້ຊຸກຍູ້ສົ່ງເສີມໃຫ້ວິສາຫະກິດເອກະຊົນຕັ້ງໜ້າເຂົ້າຮ່ວມການແຂ່ງຂັນສາກົນ, ປັດຈຸບັນນີ້ກຳລັງວາງລາຍລະອຽດໃນການປະຕິບັດ"ການພັດທະນາທຸລະກິດໄປສູ່ຕ່າງປະເທດ"ຂອງວິສາຫະກິດເອກະຊົນ, ຈະເລີ່ມປະກາດໃຊ້ໃນໄວໆນີ້.
ທ່ານຈຽງຈຶງເວີຍກ່າວໃນເວລາເຂົ້າຮ່ວມການປຶກສາຫາລືທີ່ແບ່ງເປັນໜ່ວຍໃນກອງປະຊຸມຄັ້ງທີ5ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ11ວ່າ, ລາຍລະອຽດເຫຼົ່ານີ້ຈະລວມທັງດ້ານຕ່າງໆຂອງການພັດທະນາທຸລະກິດໄປສູ່ຕ່າງປະເທດ, ຄື: ນະໂຍບາຍດ້ານການເງິນພາສີ, ການນຳໃຊ້ເງິນຕາຕ່າງປະເທດ, ວິທີການສົມທົບທຶນ, ການປະກັນໄພ, ອະນຸສັນຍາຂອງການລົງທຶນ. ນອກນີ້, ກ່ຽວກັບການພັດທະນາທຸລະກິດໄປສູ່ຕ່າງປະເທດຂອງວິສາຫະກິດ, ກົດໝາຍລະບຽບຂໍ້ກຳນົດຈຳນວນໜຶ່ງຂອງປະເທດທີ່ວິສາຫະກິດຈີນໄປລົງທຶນດຳເນີນທຸລະກິດ, ຈະປະຕິບັດບາດກ້າວຂອງ"ການພັດທະນາທຸລະກິດໄປສູ່ຕ່າງປະເທດ"ແນວໃດກໍ່ໄດ້ສະແດງໃຫ້ເຫັນໃນລາຍລະອຽດ.
ທ່ານຈຽງຈຶ້ງເວີຍກ່າວວ່າ, ວິສາຫະກິດເອກະຊົນຂອງຈີນບໍ່ວ່າເບິ່ງຈາກທ່າແຮງທາງເສດຖະກິດ, ຫຼືວ່າໄລຍະການພັດທະນາລ້ວນແຕ່ມີເງື່ອນໄຂດ້ານການພັດທະນາທຸລະກິດໄປສູ່ຕ່າງປະເທດ.