ປະຊາຊົນອາຊີອາຄະເນໃຫ້ຄວາມສົນໃຈຕໍ່ຈີນລົງມືດັດແກ້ກົດຫມາຍວ່າດ້ວຍການຟ້ອງຮ້ອງທາງອາຍາ
(GMT+08:00) 2012-03-11 13:59:58 cri
ໃນໄລຍະດຳເນີນກອງປະຊຸມປະຈຳປີຂອງສະພາຜູ່ແທນປະຊາຊົນແຫ່ງຊາດຈີນ, ໄດ້ສະເຫນີຮ່າງຍັດຕິກ່ຽວກັບການດັດແກ້ກົດຫມາຍວ່າດ້ວຍການຟ້ອງຮ້ອງທາງອາຍາໃຫ້ກອງປະຊຸມສຳຫລວດພິຈາລະນາ, ຂ່າວນີ້ໄດ້ເຮັດໃຫ້ປະຊາຊົນຢູ່ອາຊີຕາເວັນອອກສຽງໃຕ້ໃຫ້ຄວາມສົນໃຈຫລາຍ.
ທ່ານດວງມີໄຊ ລີໄກຢາ, ຮອງຫົວຫນ້າກົມສິລະປະການສະແດງຂອງກະຊວງຖະແຫລງຂ່າວ,ວັດທະນະທຳແລະທ່ອງທ່ຽວ,ນັກສິນລະປິນທີ່ມີຊື່ສຽງຂອງປະເທດລາວໃຫ້ສຳພາດຕໍ່ນັກຂ່າວ cri ວ່າ,ຈີນເລີ່ມລົງມືດັດແກ້ກົດຫມາຍດັ່ງກ່າວແມ່ນການຕົກລົງທີ່ລັດຖະບານຈີນທຳອອກໂດຍອີງຕາມສະຖານະການພາຍໃນປະເທດແລະການພັດທະນາໃນອະນາຄົດຂອງປະເທດຕົນ, ແມ່ນສອດຄ່ອງກັບການພັດທະນາຂອງຈີນ.
ທ່ານຊາໂຊໂນ, ຜູ່ໃຊ້ອິນເຕີແນັດຂອງອິນໂດເນເຊຍໄດ້ໃຫ້ຄຳເຫັນໂດຍຜ່ານອິນເຕີແນັດວ່າ, ໃນຮ່າງຍັດຕິກ່ຽວກັບການດັດແກ້ກົດຫມາຍວ່າດ້ວຍການຟ້ອງຮ້ອງທາງອາຍາຂອງຈີນໄດ້ເພີ່ມລະບຽບການຮິບເອົາຊັບສິນທີ່ໄດ້ຮັບຢ່າງຜິດກົດຫມາຍຂອງຜູ່ຖືກສົງໃສຕ້ອງໂທດຫລືຜູ່ຕ້ອງຫາທີ່ໄດ້ໂຕນຫນີຫລືເສຍຊີວິດ,ນີ້ມີຜົນດີຕໍ່ການລົງໂທດການກະທຳຜິດທີ່ສໍ້ລາດບັງຫລວງຢ່າງເຂັ້ມງວດ.ແລະສາມາດໃຫ້ອິນໂດເນເຊຍຖອດຖອນເອົາໄດ້, ເພາະວ່າໃນເວລາດົນນານມານີ້, ບັນຫາກິນສໍ້ລາດບັງຫລວງທີ່ຫນັກຫນ່ວງໄດ້ກະທົບເຖິງການພັດທະນາຂອງອິນໂດເນເຊຍແລະໄດ້ສ້າງຄວາມເສຍຫາຍດ້ານເສດຖະກິດໃຫ້ແກ່ປະເທດນີ້.
