ກອງປະຊຸມຄັ້ງທີ5ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ11ອັດປະຊຸມ
ຕາມCRIລາຍງານວ່າ: ກອງປະຊຸມຄັ້ງທີ5ຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ11ໄດ້ອັດລົງໃນຕອນເຊົ້າວັນທີ13ມີນານີ້ຢູ່ນະຄອນຫຼວງປັກກິ່ງ.ໃນພິທີອັດກອງປະຊຸມມີທ່ານຫູຈິນທາວ,ທ່ານອູປາງໂກວ,ທ່ານເວິ່ນເຈ່ຍປາວ,ທ່ານເຈຍຊິ້ງຫຼິນ,ທ່ານຫຼີສາງຊຸນ,ທ່ານສີຈິ້ນຜິງ,ທ່ານຫຼີເຄີ້ສຽງ,ທ່ານເຮີ້ກົວສຽງ,ທ່ານໂຈ່ວຢົງຄ່າງແລະຜູ່ນຳພັກ-ລັດທ່ານອື່ນໆໄດ້ເຂົ້າຮ່ວມພິທີອັດປະຊຸມ.
ທ່ານເຈຍຊິ້ງຫຼິນ ປະທານສະພາປຶກສາການເມືອງປະຊາຊົນແຫ່ງຊາດຈີນເປັນປະທານໃນພິທີ.
ທ່ານເຈຍຊິ້ງຫຼິນ ປະທານສະພາປຶກສາການເມືອງປະຊາຊົນແຫ່ງຊາດຈີນເປັນປະທານໃນພິທີ.ທ່ານໄດ້ກ່າວຄຳປາໄສໃນພິທີໂດຍຊີ້ອອກວ່າ,ໃນໄລຍະດຳເນີນກອງປະຊຸມ,ບັນດາກຳມະການສະພາປຶກສາການເມືອງໄດ້ລົງເລິກປຶກສາຫາລືບົດລາຍງານວຽກງານຂອງລັດຖະບານ,ປະກອບຄຳຄິດຄຳເຫັນໂດຍປິ່ນອ້ອມຫົວຂໍ້ຕ່າງໆເຊັ່ນເພີ່ມທະວີແລະປັບປຸງການດັດສົມຄວບຄຸມມະຫາພາກ,ເລັ່ງລັດຫັນປ່ຽນຮູບການພັດທະນາເສດຖະກິດ,ຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ,ລົງເລິກການປະຕິຮູບແລະເປີດປະຕູສູ່ພາຍນອກ,ເພີ່ມທະວີການກໍ່ສ້າງວັດທະນະທຳ,ປະດິດສ້າງໃໝ່ໃນການຄຸ້ມຄອງສັງຄົມແລະຊຸກຍູ້ວຽກງານສະພາປຶກສາການເມືອງຂອງປະຊາຊົນແລະອື່ນໆ.ກຳມະການທັງຫຼາຍໄດ້ຍື່ນບົດປະກອບຄຳຄິດຄຳເຫັນຢູ່ທີ່ກອງປະຊຸມ833ບົດ,ຍັດຕິ6069ສະບັບແລະຄວາມເຫັນຂອງປະຊາຊົນແລະຫາງສຽງສັງຄົມ1341ສະບັບ,ຊຶ່ງໄດ້ສ່ອງແສງໃຫ້ເຫັນຢ່າງເຕັມທີ່ເຖິງສະພາປຶກສາການເມືອງປະຊາຊົນທີ່ທຳຄວາມພະຍາຍາມຢ່າງບໍ່ລົດລະໃນການປິ່ນອ້ອມໜ້າທີ່ໃຈກາງແລະຮັບໃຊ້ສະພາບລວມຂອງເສດຖະກິດສັງຄົມ,ສ່ອງແສງໃຫ້ເຫັນຈິດໃຈແຫ່ງຍຸກສະໄໝຂອງກຳມະການສະພາປຶກສາການເມືອງທີ່ປະຕິບັດໜ້າທີ່ເພື່ອປະເທດຊາດແລະປະຊາຊົນ.
ທ່ານເຈຍຊີ້ງຫຼິນຊີ້ອອກວ່າ,ປີນີ້ແມ່ນປີສຳຄັນໃນການປະຕິບັດແຜນການພັດທະນາເສດຖະກິດສັງຄົມແຫ່ງຊາດ5ປີຄັ້ງທີ12,ແລະກໍ່ແມ່ນປີສຸດທ້າຍຂອງອາຍຸຕຳແໜ່ງສະພາປຶກສາການເມືອງສະໄໝນີ້.ຫວັງວ່າກຳມະການທັງຫຼາຍຄົງຈະປະຕິບັດຕາມໜ້າທີ່ຂອງຕົນດ້ວຍຄວາມສື່ສັດສຸດຈະຫຼິດຫຼາຍກວ່າເກົ່າ,ພະຍາຍາມບຸກບືນປະດິດສ້າງຫຼາຍກວ່າເກົ່າ,ປະກອບສ່ວນຢ່າງຕັ້ງໜ້າເພື່ອປະເທດແລະປະຊາຊົນ,ພ້ອມທັງສ້າງປະສົບການອັນລ້ຳຄ່າເພື່ອເປັນຄວາມຊົງຈຳທີ່ດີງາມໃນຊີວິດຂອງຕົນ.
ພິທີເລີ່ມຕົ້ນດ້ວຍການລົງຄະແນນສຽງຂອງກຳມະການສະພາປຶກສາການເມືອງ2121ຄົນເພື່ອຜ່ານຮັບຮອງບົດລາຍງານຂອງຄະນະກຳມະການປະຈຳສະພາປຶກສາການເມືອງປະຊາຊົນແຫ່ງຊາດ,ບົດລາຍງານກ່ຽວກັບສະພາບການສຳຫຼວດກວດກາຍັດຕິຂໍ້ສະເໜີແລະມະຕິການເມືອງຂອງກອງປະຊຸມຄັ້ງນີ້.
