ກອງປະຊຸມຄັ້ງທີ5ຂອງສະພາປະຊາຊົນແຫ່ງຊາດຈີນຊຸດທີ11ໄດ້ອັດລົງຢູ່ທີ່ປັກກິ່ງ
ຕາມCRIລາຍງານວ່າ: ກອງປະຊຸມຄັ້ງທີ5ຂອງສະພາປະຊາຊົນແຫ່ງຊາດຈີນຊຸດທີ11ໄດ້ອັດລົງໃນຕອນເຊົ້າວັນທີ13ມີນານີ້ຢູ່ນະຄອນຫຼວງປັກກິ່ງ.ໃນພິທີປິດປະຊຸມຄັ້ງນີ້ມີທ່ານຫູຈິນທາວ,ທ່ານອູປາງໂກວ,ທ່ານເວິ່ນເຈ່ຍປາວ,ທ່ານເຈຍຊິ້ງຫຼິນ,ທ່ານຫຼີສາງຊຸ່ນ,ທ່ານສີຈິ້ນຜິງ,ທ່ານຫຼີເຄີ້ສຽງ,ທ່ານເຮີ້ກົວສຽງ,ທ່ານໂຈ່ວຢົງຄ່າງແລະຜູ່ນຳພັກ-ລັດທ່ານອື່ນໆໄດ້ເຂົ້າຮ່ວມ.
ທ່ານອູປ່າງໂກວ ປະທານຄະນະກຳມະການປະຈຳສະພາປະຊາຊົນແຫ່ງຊາດຈີນໄດ້ກ່າວຄຳປາໄສໃນພິທີອັດກອງປະຊຸມ
ທ່ານອູປ່າງໂກວ ປະທານຄະນະກຳມະການປະຈຳສະພາປະຊາຊົນແຫ່ງຊາດຈີນໄດ້ກ່າວຄຳປາໄສໃນພິທີອັດກອງປະຊຸມໂດຍຊີ້ອອກວ່າ,ຍັງອີກປີໜຶ່ງກໍ່ຈະໝົດອາຍຸຕຳແໜ່ງຂອງສະພາປະຊາຊົນແຫ່ງຊາດສະໄໝນີ້ແລ້ວ.ໃນ4ປີຜ່ານມາ,ສະພາປະຊາຊົນແຫ່ງຊາດພ້ອມດ້ວຍຄະນະກຳມະການປະຈຳສະພາໄດ້ປະຕິບັດໜ້າທີ່ຕຳແໜ່ງຕາມກົດໝາຍ,ປະຕິບັດງານຢ່າງຕັ້ງໜ້າ,ເຮັດໃຫ້ກາຍເປັນລະບົບກົດໝາຍສັງຄົມນິຍົມທີ່ມີສີສັນພິເສດຂອງຈີນແລະໄດ້ຮັບການປັບປຸງໃຫ້ດີຂຶ້ນ,ຊຸກຍູ້ການຈັດຕັ້ງປະຕິບັດນະໂຍບາຍແລະແຜນການອັນສຳຄັນຂອງສູນກາງ,ໄດ້ປະກອບສ່ວນອັນສຳຄັນເຂົ້າໃນການສ້າງສັງຄົມທີ່ກິນອິ່ມນຸ່ງອຸ່ນແລະຍັງມີສ່ວນເຫຼືອຢ່າງຮອບດ້ານແລະເລັ່ງລັດຊຸກຍູ້ການສ້າງສັງຄົມນິຍົມທີ່ທັນສະໄໝ.ທ່ານອູປ່າງໂກວກ່າວເນັ້ນວ່າ,ຕ້ອງເອົາໃຈໃສ່ສະຫຼຸບບົດຮຽນແລະວິທີທີ່ດີໃນ4ປີຜ່ານມາ,ສ້າງສະພາບໃໝ່ແຫ່ງການປະຕິບັດງານຂອງສະພາປະຊາຊົນຢ່າງຕໍ່ເນື່ອງ,ເສີມຂະຫຍາຍບົດບາດສຳຄັນຂອງອົງການອຳນາດສູງສຸດຂອງປະເທດໃຫ້ດີກວ່າເກົ່າ.
