ຈາກຜົນສຳເລັດໃນການດຳເນີນກອງປະຊຸມສອງສະພາຂອງຈີນທີ່ຫາກໍ່ສິ້ນສຸດລົງ, ມີຄົນໃຫ້ຄວາມສົນໃຈຕໍ່ການພັດທະນາຕົນເອງຂອງຈີນຫຼາຍກວ່າເກົ່າ, ຈີນບໍ່ໄດ້ຖືເບົາຕໍ່ການໃຫ້ການຊ່ວຍເຫຼືອແກ່ປະເທດກຳລັງພັດທະ ນາອື່ນໆທີ່ມີຄວາມຫຍຸ້ງຍາກດ້ານເສດຖະກິດ. ໃນຫຼາຍປີຜ່ານມາ, ບົນພື້ນຖານທີ່ມີການເຕີບໂຕດ້ານເສດຖະກິດຢ່າງຕໍ່ເນື່ອງ, ຈີນໄດ້ເພີ່ມທະວີການລົງທຶນຂອງການຊ່ວຍເຫືຼອຕໍ່ຕ່າງປະເທດເທື່ອລະກ້າວ, ຊຸກຍູ້ການພັດທະນາຮ່ວມກັນຂອງບັນດາປະເທດທີ່ກຳລັງພັດທະນາໃນໂລກຢ່າງບໍ່ຢຸດຢັ້ງ.
ໃນ60ປີຜ່ານມານັບແຕ່ປີ1949ຫາປີ2009, ນັບລວມແລ້ວ, ມູນຄ່າໃນການຊ່ວຍເຫຼືອແກ່ຕ່າງປະເທດມີຫຼາຍກວ່າ250ຕື້ຢວນ, ເຊິ່ງໃນນັ້ນ, ການຊ່ວຍເຫຼືອລ້າບັນລຸ106ຕື້2ຮ້ອຍລ້ານຢວນ. ຍ້ອນເປັນປະເທດໜຶ່ງທີ່ມີການບໍລິໂພກສະເລ່ຍຕໍ່ຄົນຕ່ຳກວ່າ1,25ໂດລາຂອງປະຊາກອນ1ຮ້ອຍລ້ານກວ່າຄົນ, ການໃຫ້ການຊ່ວຍເຫຼືອຕໍ່ຕ່າງປະເທດແມ່ນການຕັດສິນໃຈພາຍໃຕ້ ຄວາມດັນດ້ານການພັດທະນາຕົນເອງຢ່າງຫຼວງຫຼາຍ. ກ່ຽວກັບເລື່ອງນີ້, ທ່ານເຊີນເຕີໝິງ, ລັດຖະມົນຕີວ່າການກະຊວງການຄ້າຈີນກ່າວວ່າ, ເຫດຜົນທີ່ຈີນກາຍເປັນອົງກອນເສດຖະກິດໃຫຍ່ທີ2ຂອງໂລກໃນປະຈຸບັນນີ້, ແມ່ນບໍ່ສາມາດທີ່ຈະແຍກອອກຈາກການຊ່ວຍເຫຼືອຈາກປະຊາຄົມໂລກໄດ້. ຍ້ອນຈີນເປັນປະເທດທີ່ "ຮູ້ບຸນຄຸນຕອບແທນບຸນຄຸນ", ຈະຮັບເອົາແຕ່ການຊ່ວຍເຫຼືອແຕ່ບໍ່ໃຫ້ການຊ່ວຍເຫຼືອຜູ້ອື່ນນັ້ນແມ່ນເປັນໄປບໍ່ໄດ້.
ການຊ່ວຍເຫຼືອຕໍ່ຕ່າງປະເທດຂອງຈີນໄດ້ຖືຫຼັກໝັ້ນທີ່ "ໃຫ້ການຊ່ວຍເຫຼືອໂດຍບໍ່ມີເງື່ອນໄຂ" ມາໂດຍຕະຫຼອດ, ບໍ່ເພີ່ມຕື່ມເງື່ອນໄຂທາງການເມືອງໃດໆ. ຕົວຢ່າງວ່າ, ໄດ້ສ້າງທາງຫຼວງແລະທາງລົດໄຟຢູ່ທະວີບອາຟຼີກກາ, ສ້າງຂົວຢູ່ບັງກະລາເດັດແລະອື່ນໆ. ເລື່ອງທັງໝົດແມ່ນເລີ່ມແຕ່ໄລຍະທີ່ປະເທດຈີນໃໝ່ຫາກໍ່ສ້າງຕັ້ງຂຶ້ນ, ເຖິງແມ່ນວ່າໃນໄລຍະຫຍຸ້ງຍາກທີ່ສຸດດ້ານ ການພັດທະນາຂອງຈີນແຕ່ຈີນກໍ່ບໍ່ໄດ້ຢຸດເຊົາ.
ທ່ານເວີ້ຍຈຽນກົວ, ເລຂາທິການສູນການແລກປ່ຽນດ້ານເສດ ຖະກິດສາກົນຈີນທີ່ຮັບຜິດຊອບວຽກງານຕໍ່ທະວີບອາຟີຼກກາມາເປັນເວລາ20 ກວ່າປີໃນເວລາດຳເນີນລົງແໜ່ງຢູ່ກະຊວງການຄ້າຈີນ, ເມື່ອເວົ້າເຖິງການຊ່ວຍເຫຼືອຕໍ່ທະວີບອາຟຼີກກາແລ້ວ, ທ່ານເວີ້ຍຈຽນກົວກ່າວວ່າ, ປະຊາຊົນຈີນໄດ້ນຳໃຊ້ເລືອດເນື້ອເຫື່ອແຮງເພື່ອສະໜັບສະໜູນການພັດທະນາຂອງທະວີບ ອາຟຼີກກາ.
"ຕົວຢ່າງວ່າ, ລວມຄວາມຍາວຂອງທາງລົດໄຟຕານອານີທີ່ພວກເຮົາກໍ່ສ້າງແມ່ນ1ໝື່ນ8ພັນກິໂລແມັດ, ຈາກນະຄອນຫຼວງລູຊາກາຂອງຊຳບີຫານະຄອນຫຼວງດາເອສຊາລາມຂອງຕານຊານີ, ລວມມີຂົວ75ແຫ່ງ, ຖ້ຳ200 ກວ່າແຫ່ງ, ແລະປ່າໄມ້ດຶກດຳບັນໃຫຍ່ເຂດໜຶ່ງ, ພວກເຮົາໄດ້ໃຊ້ແຮງງານ1ໝື່ນກວ່າຄົນ, ມີເກືອບ100ຄົນເສຍຊີວິດໃນເວລາທຳການກໍ່ສ້າງ. "
ໃນຊຸມປີມໍ່ໆມານີ້, ການເລັ່ງລັດພັດທະນາໃນການປັບປຸງຊີວິດການເປັນຢູ່ຂອງປະຊາຊົນໃນປະເທດກຳລັງພັດທະນາໄດ້ກາຍເປັນເປົ້າໝາຍສຳຄັນທຳອິດໃນການຊ່ວຍເຫຼືອຕໍ່ຕ່າງປະເທດຂອງຈີນ. ນັບມາຮອດທ້າຍປີ2009, ນັບລວມແລ້ວ, ຈີນໄດ້ຊ່ວຍເຫຼືອປະເທດກຳລັງພັດທະນາສ້າງສຳເລັດໂຄງການພື້ນຖານໂຄງລ່າງດ້ານເສດຖະກິດ442ແຫ່ງ, ໂຄງການສິ່ງກໍ່ສ້າງສາທາລະນະ687ແຫ່ງ, ໄດ້ສົ່ງແພດໝໍ2ໝື່ນກວ່າຄົນໄປຊ່ວຍເຫຼືອ70ກວ່າປະເທດ, ໄດ້ປິ່ນປົວຜູ້ເຈັບເປັນໃຫ້ຫາຍດີເປັນປົກກະຕິເປັນຮ້ອຍລ້ານຄົນ.
ໃນອະນາຄົດ, ຈີນຈະເພີ່ມທະວີການຊ່ວຍເຫຼືອຕໍ່ຕ່າງປະເທດ. ໃນ5ປີຕໍ່ໜ້ານີ້, ຈີນຈະສ້າງໂຮງຮຽນ200ແຫ່ງແກ່ປະເທດກຳລັງພັດທະນາ, ສົ່ງຜູ້ຊ່ຽວຊານທາງດ້ານການແພດ3000ຄົນ, ຊ່ວຍສ້າງໂຄງການພະລັງງານສະອາດແລະຮັກ ສາສິ່ງແວດລ້ອມ200ແຫ່ງແລະອື່ນໆ. ກ່ຽວກັບເລື່ອງນີ້, ທ່ານລຽວຈຽນເຊີງ, ຫົວໜ້າກົມການຊ່ວຍເຫຼືອຕໍ່ຕ່າງປະເທດຂອງກະຊວງການຄ້າຈີນກ່າວວ່າ:
"ພວກເຮົາຈະຍົກສູງອັດຕາສ່ວນຂອງການຊ່ວຍເຫຼືອລ້າໃນການຊ່ວຍເຫຼືອຕໍ່ຕ່າງປະເທດຕື່ມອີກ, ເພີ່ມອັດຕາສ່ວນຂອງການຊ່ວຍເຫຼືອຕໍ່ປະເທດທີ່ມີໜິ້ສິນຫຼາຍແລະປະເທດທີ່ດ້ອຍພັດທະນາທີ່ສຸດ, ຍົກສູງການລົງທຶນຕໍ່ຄວາມສາມາດດ້ານການພັດທະນາແລະການກໍ່ສ້າງຂອງປະເທດທີ່ໄດ້ຮັບການຊ່ວຍເຫຼືອ"
© China Radio International.CRI. All Rights Reserved. 16A Shijingshan Road, Beijing, China. 100040 |